అల్లరోడి కొత్త సినిమా ఎప్పుడంటే..

ఒకప్పుడు అల్లరి నరేష్ ఒకేసారి మూణ్నాలుగు సినిమాల్ని లైన్ లో పెట్టేవాడు. అవి చేస్తుండగానే ఇంకో మూణ్నాలుగు సినిమాలు లైన్ లో ఉండేవి. కానీ ఇప్పుడు కెరీర్ బాగా డల్లయిపోయింది. హిట్టు కొట్టి మూణ్నాలుగేళ్లవుతోంది. ప్రతి సినిమా మీదా చాలా ఆశలు పెట్టుకోవడం.. అది బోల్తా కొట్టడం.. ఇదీ వరస. ఈ మధ్య వచ్చిన ‘జేమ్స్ బాండ్’ కూడా అల్లరోడిని సక్సెస్ ట్రాక్ ఎక్కించలేదు. దీని తర్వాత సినిమా మొదలుపెట్టడానికి కూడా టైం తీసుకున్నాడు. ఈసారి అల్లరోడు సోలో హీరోగా కాకుండా మోహన్ బాబుతో కలిసి ‘మామ మంచు అల్లుడు కంచు’ అనే సినిమా చేస్తున్న సంగతి తెలిసిందే.

ఒకప్పుడు అల్లరి నరేష్ తో ‘బొమ్మన బ్రదర్స్ చందన సిస్టర్స్’ లాంటి కామెడీ సినిమా తీసి హిట్టు కొట్టిన శ్రీనివాసరెడ్డి ఈ సినిమాకు దర్శకుడు. ‘ఢమరుకం’తో బోల్తా కొట్టిన శ్రీనివాసరెడ్డి మళ్లీ తన పాత స్టయిల్లో ఈ సినిమాను తెరకెక్కిస్తున్నాడు. మంచు ఫ్యామిలీ సొంత బేనర్ లో తెరకెక్కుతున్న ఈ సినిమా శరవేగంగా షూటింగ్ జరుపుకుంటోంది. సినిమా దాదాపుగా పూర్తి కావచ్చింది. ఈ సినిమాను డిసెంబర్లో విడుదల చేయబోతున్నారు. ఇందులో అల్లరోడి సరసన పూర్ణ.. మోహన్ బాబు సరసన ‘అల్లరి మొగుడు’ భాము రమ్యకృష్ణ, మీనా నటిస్తుండటం విశేషం. కాంబినేషన్ క్రేజ్ బానే ఉంది. మరి సినిమా ఎలా ఉంటుందో చూడాలి. ఈ సినిమాతో అయినా అల్లరోడికి మళ్లీ లక్కు చిక్కుతుందేమో చూడాలి.