డిస్కోరాజాలో సీక్రెట్ స్టార్ లేడట‌!

మాస్ మ‌హారాజా ర‌వితేజ క‌థానాయ‌కుడుగా వి. ఐ ఆనంద్ దర్శ‌క‌త్వంలో తెర‌కెక్కుతోన్న `డిస్కోరాజా` షూటింగ్ శ‌ర వేగంగా జ‌రుగుతోంది. చిత్రీక‌ర‌ణ క్లైమాక్స్ లో ఉంది. సైన్స్ ఫిక్ష‌న్ తో కూడిన యాక్ష‌న్ థ్రిల్ల‌ర్ ఇది. సినిమాలో విజువ‌ల్ ఎఫెక్ట్స్‌ హైలైట్ గా ఉంటాయ‌ని స‌మాచారం. ఇప్ప‌టికే రిలీజైన‌ టీజ‌ర్ కు మంచి రెస్పాన్స్ వ‌చ్చింది. ర‌వితేజ రెండు డిఫ‌రెంట్ షేడ్స్ లో క‌నిపంచ‌నున్నాడు. మాస్ ఆడియ‌న్స్ కి కావాల్సిన అంశాలు పుష్క‌లంగా ఉన్నాయ‌ని టీజ‌ర్ లోనే రివీల్ చేసారు. దీంతో రాజా అభిమానులు సినిమాపై భారీ అంచ‌నాలే పెట్టుకున్నారు.

ష్యూర్ షాట్ హిట్ కొట్టాల్సిన సంద‌ర్భ‌మిది. ర‌వితేజ ఈ విష‌యంలో చాలానే జాగ్ర‌త్త‌లు తీసుకున్నార‌ట‌. గ‌త ప‌రాభ‌వాల‌న్నింటిని డిస్కోరాజాతో తుడిచేయాల‌ని పంతంతో ఉన్నాడ‌ట‌. అంతేకాదు ఈ సినిమాలో ఓ ఊహించ‌ని స‌ర్ ప్రైజ్ ఉంద‌ని ప్ర‌చారం సాగుతోంది. ఇందులో అల్ల‌రి న‌రేష్ కూడా న‌టిస్తున్నా.. చిత్ర‌బృందం బ‌య‌ట‌కు చెప్ప‌డం లేద‌ని గ‌త‌ కొద్ది రోజులుగా ప్ర‌చారం సాగుతోంది. సీక్రెట్ స్టార్ గా న‌రేష్ ని తెర‌పైనే రివీల్ చేయ‌నున్నార‌ని ప‌దే ప‌దే వినిపించింది. న‌రేష్ తొలిసారి మ‌హ‌ర్షి సినిమాతో స‌పోర్టింగ్ రోల్స్ కు గ్రీన్ సిగ్నెల్ ఇవ్వ‌డం.. .ఆ సినిమా పెద్ద విజ‌యం సాధించ‌డంతో న‌రేష్ ని సెంట‌మెంట్ గా బ‌రిలోకి దించుతున్నార‌ని ఫిలిం స‌ర్కిల్స్ లో సైతం జోరుగా వినిపించింది. తాజాగా ఈ క‌థ‌నాల‌పై ద‌ర్శ‌కుడు వివ‌ర‌ణ ఇచ్చారు.

న‌రేష్ ఇందులో ఎలాంటి పాత్ర పోషించ‌లేదని...అస‌లు త‌న‌ని ఈ సినిమా కోసం సంప్ర‌దించ‌లేద‌ని ఖండించాడు. ఇక‌నైనా ఇలాంటి క‌ట్టు క‌థ‌నాలు క‌ట్టిపెట్టాల‌ని కోరుకుంటున్నట్లు ఆశాభావం వ్య‌క్తం చేసాడు. అలాగే సినిమా ఎట్టి ప‌రిస్థితుల్లో జ‌న‌వ‌రి 24న ప్రేక్ష‌కుల ముంద‌కు వ‌స్తుంద‌ని మ‌రోసారి తెలిపాడు. ఇక జ‌న‌వ‌రి 9న ద‌ర్బార్.. 11న స‌రిలేరు నీకెవ్వ‌రు..12న అల వైకుంఠ‌పుర‌ములో.. 15న ఎంత‌మంచి వాడ‌వురా చిత్రాలు రిలీజ్ అవుతోన్న సంగ‌తి తెలిసిందే. వీట‌న్నిటి త‌ర్వాత డిస్కోరాజా కూల్ గా 24న రాబోతున్నాడట‌.