అల్ల‌రి ఫ్రెండ్స్ జాలీ ట్రిప్ స‌రే కానీ..!

``దోస్త్ మేరాదోస్త్ తూహీ మేరా జాన్.. వాస్తవంరా దోస్త్ నువ్వే నా ప్రాణం!`` ఈ పాట‌లో లిరిక్ లానే స్నేహంలో ఉన్న మ‌జానే వేరు. స్నేహితులంద‌రూ క‌లిస్తే ఆ ర‌చ్చే వేరుగా ఉంటుంది. ఇక గుంపుగా జాలీ ట్రిప్ లు వెళితే అక్క‌డ ద‌క్కే కిక్కే వేరుగా ఉంటుంది. పీక్స్ లో ఎంజాయ్ చేయొచ్చు. జీవితాంతం అలాంటి ఫ్రెండ్లీ టూర్లు ప్లాన్ చేయొచ్చు.

ప్ర‌స్తుతం అలాంటి ట్రిప్ లోనే ఉన్నారు ఈ స్నేహితుల బృందం. సెల‌బ్రిటీ క్రికెట్ కార్నివాల్ పేరుతో మ‌న యువ‌హీరోలంతా హోస్ట‌న్ కి జంప్ అయిపోయారు. అలా వెళుతూ ఇదిగో ఇలా విమానంలో ఓ స్నాప్ దిగి అభిమానుల‌కు షేర్ చేసి ఊరించారు. ``నీకు స్నేహితులు ఎప్పుడు ఉంటారో అప్పుడు కేర్ ఫ్రీగా.. జాలీగా గ‌డిపేయొచ్చు.. క్రేజీ ఫీలింగ్ క‌దూ! గ్రేట్ టైమ్స్ @ హోస్ట‌న్`` అంటూ వ్యాఖ్య‌ను ఈ ఫోటోల‌కు జోడించారు. హీరోలు సుధీర్ బాబు- అల్ల‌రి న‌రేష్- సందీప్ కిష‌న్- ప్రిన్స్ - హీరో శ్రీ‌కాంత్ - త‌రుణ్ .. వీళ్ల‌తో పాటు త‌మన్ ఆ విమానంలో ఉన్నారు.

అయితే వీళ్లంతా అడ‌పాద‌డ‌పా సినిమాలు చేస్తూ ఇలా క్రికెట్ సెల‌బ్రేష‌న్ పేరుతో విదేశీ టూర్లు ప్లాన్ చేస్తున్నార‌న్న‌మాట‌. వృత్తిని- ప్ర‌వృత్తిని బ్యాలెన్స్ చేసే ప్ర‌య‌త్న‌మే ఇది. అయితే ఈ విమానంలో ఉన్న హీరోలంతా కెరీర్ ప‌రంగా ఇంకాస్త జాగ్ర‌త్త తీసుకుంటే బావుంటుందేమో.. !! అంటూ ఫ్యాన్స్ సూచిస్తున్నారు. ప్ర‌స్తుతానికి ఈ టూర్ ని ఎంజాయ్ చేయ‌డ‌మే అంతిమంగా బెస్ట్ డీల్.