దేవిశ్రీ మ్యూజిక్ పై కొత్త టాక్

దేవిశ్రీ ప్రసాద్.. ఇప్పుడు సౌతిండియాలో మోస్ట్ డిమాండబుల్ మ్యూజిక్ డైరెక్టర్ ఎవరు అంటే.. డీఎస్ పీ పేరే చెప్పాలి. మనోడు మ్యూజిక్ ఇస్తే.. సినిమా సగం హిట్ అయిపోయనట్లే అనే టాక్ ఇండస్ట్రీలో వినిపిస్తుంది. సాంగ్సే కాదు... బ్యాక్ గ్రౌండ్ స్కోర్ విషయంలోనూ దేవిని మించినోడు ఎవరూ లేడనే చెప్పాలి.

కానీ ఓ విషయంలో దేవీ పై రూమర్స్ వినిపిస్తున్నాయి. కొన్ని ఫ్లాప్ సినిమాలను పరిశీలిస్తే... దేవి మ్యూజిక్ అంతగా ఆకట్టుకున్నట్లు కనిపించదు. సినిమా, సీన్స్ ఎలానూ ముందే చూస్తాడు కాబట్టి.. రిజల్ట్ ముందే అర్ధమయిపోవడంతో... అంతగా మనసు పెట్టి మ్యూజిక్ ఇవ్వడం లేదనే గుసగుసలు వినిపిస్తున్నాయి. కానీ హిట్ సినిమాల విషయంలో మాత్రం డీఎస్ పీ మ్యూజిక్కే సగం మ్యాజిక్ చేసేస్తోంది. ఈ ఈక్వేషన్ ని బట్టి చూస్తే పైన చెప్పిన విషయం నిజమే అనిపిస్తుంది.

కానీ మ్యూజిక్ ఇచ్చే విషయంలో దేవీశ్రీని అంతగా అనుమానించాల్సిన పనిలేదంటారు చాలామంది. మహేష్ చేసిన వన్ నేనొక్కడినే ఎంత పెద్ద డిజాస్టరో అందరికీ తెలుసు. కానీ ఈ మూవీకి ఇచ్చిన మ్యూజిక్ ఎక్స్ ట్రార్డినరీ. అందుకే మిర్చి మ్యూజిక్‌ అవార్డుల్లో ఆ రీ-రికార్డింగ్‌ కు ఒక అవార్డు కూడా తీసుకున్నాడు. సినిమాకి తానేం చేయగలడో పూర్తిగా న్యాయం చేసేందుకే ప్రయత్నిస్తాడు దేవిశ్రీ ప్రసాద్. సెంటిమెంట్స్ ఎక్కువగా ఉండే సినిమా ఇండస్ట్రీలో.. ఇలాంటి ఆరోపణలు వస్తూనే ఉంటాయి.