ఆహా న్యూ వెబ్ సిరీస్ 'డైలాగ్ రైటర్' ఆ డైరెక్టరేనా..?

ఆహా డిజిటల్ ప్లాట్ ఫామ్ అభివృద్ధి చేయడం కోసం ప్రముఖ నిర్మాత అల్లు అరవింద్ శతవిధాలా ప్రయత్నిస్తున్నారు. అంతరిక్షం సినిమాతో నిర్మాతగా కూడా మారిన టాలెంటెడ్ డైరెక్టర్ క్రిష్ జాగర్లమూడి ఆహా కోసం వెబ్ సిరీస్ లను కూడా నిర్మించనున్నట్లు వార్తలొచ్చాయి. ఇప్పటికే ఈ విషయం పై ప్రముఖ నిర్మాత అల్లు అరవింద్ తో డీల్ కుదుర్చుకున్నాడట. క్రిష్ కి ఆల్రెడీ పెద్ద ప్రొడక్షన్ హౌస్ ఉన్న సంగతి తెలిసిందే. ఆ ప్రొడక్షన్ హౌస్ ను తండ్రి సాయిబాబా, ఫ్రెండ్ రాజీవ్ రెడ్డిలు చూసుకుంటారు. ఇక ప్రస్తుతం క్రిష్ ఇంకా అల్లు అరవింద్ ఇద్దరు కలిసి సంయుక్తంగా 'ఆహా' కోసం వెబ్ సిరీస్ లను రూపొందించనున్నారు. ఆహాలో విడుదలయ్యే వెబ్ సిరీస్ల స్క్రిప్ట్ పనులను క్రిష్ పర్యవేక్షిస్తాడని, అల్లు అరవింద్ ఇతర ప్రాజెక్టులను చూసుకుంటాడని సమాచారం. ఈ విధంగా ఇద్దరు బాధ్యతలను షేర్ చేసుకున్నారట. అయితే ఇప్పటికే రన్ అనే మూవీ రూపొందించారు. అది కాస్త ఆకట్టుకోలేక పోయింది.

ఇక ఇటీవలే నిర్మాత అల్లు అరవింద్.. టాలీవుడ్ స్టార్ సినీతారలను తన ఓటిటి వైపు ఆహ్వానించిన విషయం తెలిసిందే. ఇప్పటికే పలు జూనియర్ తారలు నటిస్తూనే ఉన్నారు. తాజాగా అల్లు అరవింద్ ఓ లేడీ ఓరియెంటెడ్ వెబ్ సిరీస్ నిర్మించాడట. ఆ వెబ్ సిరీస్ కోసం మెగాస్టార్ చిరంజీవి సినిమా టైటిల్ ఉపయోగించనున్నట్లు సమాచారం. మెగాస్టార్ సినిమాలకే కాదు సినిమా పేర్లకు కూడా క్రేజ్ అలాగే ఉంది. అందుకే ఆయన అవార్డు విన్నింగ్ మూవీ 'రుద్రవీణ' టైటిల్ వెబ్ సిరీస్ కి ఫిక్స్ చేస్తారని సమాచారం. అంతేగాక ఈ వెబ్ సిరీస్ కి డైలాగ్స్ ఓ స్టార్ డైరెక్టర్ రాసాడని తెలుస్తుంది. మరి ఆ స్టార్ డైరెక్టర్ క్రిష్ కావచ్చని అంచనా వేస్తున్నారు. ఎందుకంటే క్రిష్ ఆహా వెబ్ సిరీస్ల స్క్రిప్ట్ పరిశీలన చేస్తున్నాడని ఆయనే అనుకుంటున్నారు. మరి చూడాలి రుద్రవీణ టైటిల్ గల సిరీస్ హిట్ అవుతుందో.. లేక ఆ స్టార్ డైరెక్టర్ డైలాగ్స్ హిట్ అవుతాయో..!