మ‌ట్టితో ఉండ్రాళ్లు బొజ్జ గ‌ణ‌ప‌య్య‌.. క్యూట్ అర్హ ట్యాలెంట్!

క్యూట్ అర్హ అల్ల‌రిలోనే కాదు విద్యాబుద్ధుల్లోనూ మేటి. వీట‌న్నిటినీ మించి త‌న‌లోని స్క‌ల్ప్చ‌ర్ నైపుణ్యం ఆశ్చ‌ర్య‌ప‌రుస్తోంది. వినాయ‌క చ‌వితి స‌మీపిస్తుంటే ఊరూ వాడా చిన్నారులంతా బొజ్జ గ‌ణ‌ప‌య్య ఉత్స‌వాల కోసం ఆర్టిఫిషియ‌ల్ విగ్ర‌హాల‌ను కొని పూజించే ప‌నిలో ఉన్నారు. కానీ అల్లు అర్హ మాత్రం అలా కాదు. త‌నే స్వ‌యంగా మ‌ట్టితో బొజ్జ గ‌ణ‌పయ్య‌ను త‌యారు చేసింది. గ‌ణేషుని విగ్ర‌హంతో పాటు ఉండ్రాళ్ల‌ను త‌యారు చేసి ప్ర‌దర్శిస్తున్న ఓ ఫోటోని బ‌న్ని స్వ‌యంగా షేర్ చేయ‌గా వైర‌ల్ అవుతోంది. దీంతో పాటే బ‌న్ని ఇంట్లో అల్లు అర్హ‌తో స‌ర‌దాగా గడిపేస్తున్న మ‌రో వీడియో కూడా అంత‌ర్జాలంలోకి విడుద‌లైంది.

`శాకుంత‌లం`తో బాట‌న‌టిగా ఆరంగేట్రం

స్టైలిష్ స్టార్ అల్లు అర్జున్ న‌ట‌వార‌సురాలు అల్లు అర్హ బాల న‌టిగా తెరంగేట్రం చేస్తున్న సంగ‌తి తెలిసిందే. ఇండ‌స్ట్రీలో ఎంద‌రినో బాల‌న‌టులుగా ప‌రిచ‌యం చేసిన సీనియ‌ర్ ద‌ర్శ‌కులు గుణ‌శేఖ‌ర్ అర్హ‌ను కూడా తెర‌కు ప‌రిచ‌యం చేస్తున్నారు. అతడు తెర‌కెక్కిస్తున్న శాకుంత‌లం చిత్రంలో క్యూట్ అర్హ బాల‌న‌టిగా ప‌రిచ‌య‌మ‌వుతోంది.

ఇప్ప‌టికే అర్హ పై పార్ట్ చిత్రీక‌ర‌ణ పూర్త‌యింది. చిత్రీక‌ర‌ణ ముగిసిన క్ర‌మంలోనే శాకుంతలం బృందం అర్హకు సెండాఫ్ వేడుక‌ను ఘ‌నంగా నిర్వ‌హించారు. ఇక ఆర్హ సెట్లో ఉండ‌గా అల్లు అర్జున్ త‌న‌ ఫాల్క‌న్- కార‌వ్యాన్ నే పంపారు. అర్హ‌కు ఎలాంటి క‌ష్టం లేకుండా `ఫాల్క‌న్ బ‌స్`ని ఏర్పాటు చేయ‌డం ప్ర‌ముఖంగా చ‌ర్చ‌కు వచ్చింది. వారం పాటు అర్హ కోసం ఈ ఏర్పాటు చేశారు. ఇక చిత్రీక‌ర‌ణ అనంత‌రం సెండాఫ్ పార్టీలో అర్హ‌తో పాటు డాడీ అల్లు అర్జున్.. మామ్ స్నేహ కూడా ఉన్నారు.

శాకుంత‌లం చిత్రంతో అర్హ రంగ ప్ర‌వేశం అన్న‌ వార్త‌లతో బ‌న్ని ఫ్యాన్స్ సంబ‌రాలు చేసుకున్నారు. త‌న‌ని పెద్ద తెర‌పై చూడాల‌ని ఎంతో ముచ్చ‌ట‌ప‌డుతున్నారు. స‌మంత టైటిల్ పాత్రను పోషిస్తున్న ఈ చిత్రంలో అర్హ పాత్ర ఎలా ఉంటుంది? అంటూ ఆరాలు తీస్తున్నారు. `ప్రిన్స్ భరత్` అనే పాత్ర‌లో ఎంతో క్యూట్ గా అర్హ‌ అల‌రిస్తుంద‌ని తెలిసింది.