#క్యూట్ పెయిర్.. మెమ‌రీ లేన్ లో బ‌న్ని తీపి గురుతులు

కొన్ని ఫోటోలు ఆల్బ‌మ్ లో చాలా ప్ర‌త్యేకంగా ఆక‌ర్షిస్తాయి. అలాంటి ఆక‌ర్ష‌ణీయ‌మైన ఫోటోని షేర్ చేసిన బ‌న్ని మోములో ఆనందం కొట్టొచ్చిన‌ట్టు క‌నిపిస్తోంది. ఇటీవ‌లే విదేశాల‌కు టూర్ వెళ్లిన అల్లు అర్జున్ అక్క‌డ త‌న భార్యామ‌ణి స్నేహ‌తో క‌లిసి దిగిన ఓ అరుదైన అంద‌మైన ఫోటోని షేర్ చేసి త‌న భావోద్వేగాన్ని పంచుకున్నారు.

ఐకాన్ స్టార్ అల్లు అర్జున్ `పుష్ప` సీక్వెల్ కోసం స‌ర్వ‌స‌న్నాహ‌కాల్లో ఉన్నా కానీ ఆ మూవీ రెగ్యుల‌ర్ చిత్రీక‌ర‌ణ అంత‌కంత‌కు ఆల‌స్య‌మ‌వుతున్న సంగ‌తి తెలిసిందే. ఈ గ్యాప్ లో షార్ట్ వెకేష‌న్స్ పేరుతో బ‌న్ని త‌న కుటుంబంతో తీరిక‌ స‌మ‌యాన్ని గడుపుతున్నాడు.

తాజాగా తన ఇన్ స్టాగ్రామ్ స్టోరీలో తన బెటర్ హాఫ్ అల్లు స్నేహ రెడ్డితో ఒక అందమైన చిత్రాన్ని పంచుకున్నాడు. అతను ఈ ఫోటోకి హారిస్ జైరాజ్ స్వరపరిచిన పచ్చైకిలి ముత్తుచురంలోని పాపుల‌ర్ తమిళ పాట ఉనక్కుల్ నానేని జోడించాడు. త్వరలోనే పుష్ప 2 సెట్స్ లో చేరాల్సి ఉంది. ఈలోగానే మెమ‌రీ లేన్ నుంచి అద్భుత ఫోటోల‌ను బ‌న్ని షేర్ చేస్తున్నాడు. ఇప్ప‌టికే విదేశీ టూర్ ముగించిన అల్లు అర్జున్ త‌దుప‌రి భారీ యాక్ష‌న్ ఎంట‌ర్ టైన‌ర్ కోసం ప్రిప‌రేష‌న్ లో ఉన్నాడు.

2022-23 మోస్ట్ అవైటెడ్ మూవీగా తెర‌కెక్కనున్న పుష్ప 2 కోసం సుకుమార్ సైతం ఎంతో భారీ క‌స‌ర‌త్తు చేస్తూ మూవీపై హైప్ పెంచేస్తున్నాడు. ద‌ర్శ‌కుడు సుకుమార్ ప్రతిదీ జాగ్ర‌త్త‌గా ప్ర‌ణాళికా బ‌ద్ధంగా పూర్త‌య్యేందుకు భారీ క‌స‌ర‌త్తు చేస్తున్నాడు. ఈ సీక్వెల్ తో కేజీఎఫ్ 2 డైరెక్ట‌ర్ ప్ర‌శాంత్ నీల్ కి వ‌చ్చిన క్రేజ్ సుకుమార్ కి కూడా వ‌స్తుంద‌ని అభిమానులు భావిస్తున్నారు.

పుష్ప‌రాజ్ గా పార్ట్ 2లో బ‌న్ని విశ్వ‌రూపం చూడ‌బోతున్నాం. ఫ‌హ‌ద్ ఫాజిల్ పాత్ర తొలి భాగంలో కేవ‌లం ట్రైల‌ర్ లాంటిద‌ని చెప్పారు. పార్ట్ 2లో ఆ పాత్ర తీరు తెన్నులు ఎలా మార‌నున్నాయో చూడాలి. అన‌సూయ‌- సునీల్ పాత్ర‌ల సంగ‌తేమిటో కూడా వేచి చూడాల‌న్న ఆస‌క్తి అభిమానుల్లో అలానే ఉంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.