వావ్ అనిపిస్తున్న అల్లు అర్జున్ ఫాల్కన్

బడా స్టార్ హీరోలన్న తర్వాత వ్యానిటీ వ్యాన్లు మెయింటెయిన్ చెయ్యడం కామన్. బాలీవుడ్ స్టార్ హీరోల నుండి టాలీవుడ్ స్టార్ల వరకూచాలామందికి వ్యానిటీ వ్యాన్లు ఉన్నాయి. అయితే తాజాగా స్టైలిష్ స్టార్ అల్లు అర్జున్ వెహికల్స్ లిస్టులోకి కొత్త వ్యానిటీ వ్యాన్ వచ్చింది. ఆయన కొత్త వ్యానిటీ వ్యాన్ గురించి ట్విట్టర్ ఖాతా ద్వారా అభిమానులకు తెలిపాడు. అ వ్యానిటీ వ్యాన్ ఫోటోలు కూడా షేర్ చేశాడు.

"నా లైఫ్ లో ఎప్పుడు నేను ఒక పెద్ద వస్తువు కొనుక్కున్నా.. నా మనసులో ఒకటే ఉంటుంది.. "ప్రజలు నాపై ఎంతో ప్రేమ కురిపించారు. నేను ఇవన్నీ కొనగలుగుతున్నానంటే అది వారి ప్రేమ వల్లే. మీ అందరికీ ఎప్పటికీ కృతజ్ఞుడినై ఉంటాను. అందరికీ థ్యాంక్ యూ. ఇది నా వ్యానిటీ వ్యాన్ ఫాల్కన్" అంటూ ట్వీట్ చేశాడు. బ్లాక్ కలర్ లో ఉన్న ఈ ఫాల్కన్ స్టైలిష్ స్టార్ అభిరుచికి తగ్గట్టే సూపర్ స్టైలిష్ గా ఉంది. లేటెస్ట్ టెక్నాలజీతో పాటుగా సెవెన్ స్టార్ హోటల్ లాగా అన్ని వసతులు ఉండే ఈ ఫాల్కన్ ఇంటీరియర్స్ ఫోటోలు చూస్తే మతిపోయేలా ఉంది. అయితే ఈ వ్యానిటీ వ్యాన్ ధర..ఇతర వివరాలు ఇంకా వెల్లడి కావాల్సి ఉంది.

అల్లు అర్జున్ ప్రస్తుతం త్రివిక్రమ్ శ్రీనివాస్ దర్శకత్వంలో తెరకెక్కుతున్న చిత్రంలో నటిస్తున్నాడు. శరవేగంగా షూటింగ్ జరుపుకుంటున్న ఈ చిత్రాన్ని వచ్చే ఏడాది సంక్రాంతి సీజన్లో రిలీజ్ చేస్తారని అంటున్నారు. అల్లు అర్జున్ లాస్ట్ సినిమా 'నా పేరు సూర్య' తర్వాత ఏడాది గ్యాప్ రావడంతో అభిమానులు కొత్త సినిమా అప్డేట్స్ కోసం కళ్ళు కాయలు కాచేలా ఎదురు చూస్తున్నారు. ఆ అప్డేట్స్ వచ్చే లోపే ఈ ఫాల్కన్ అప్డేట్ వారిని మురిపిస్తోంది.