టర్కీలో బన్నీ ఫ్యామిలీ బల్లే బల్లే

చూసేందుకు ఎంత అల్లరిగా కనిపిస్తాడో.. ఎంజాయ్ చేయడంలో అంతే యాక్టివ్ గా ఉంటాడు స్టైలిష్ స్టార్ అల్లు అర్జున్. ఎప్పటికప్పుడు కొత్త ప్లేస్ లను విజిట్ చేయడం, వైఫ్ తో కలిసి ప్రపంచం చుట్టేయడం మనోడికి బాగా అలవాటు. రీసెంట్ గా బన్నీ అండ్ ఫ్యామిలీ హైద్రాబాద్ లోని టర్కీ ఎంబసీలో హఠాత్తుగా దర్శనమిచ్చారు. అల్లు అర్జున్ తన కుటుంబంతో కలిసి టర్కీ టూర్ ప్లాన్ చేశాడనే విషయం చాలామందికి అర్ధమైపోయింది. టూరిస్ట్ వీసాలు రావడం ఆలస్యం.. ఎంచక్కా టర్కీలో తన భార్య స్నేహారెడ్డితో కలిసి ల్యాండ్ అయిపోయాడు ఈ స్టార్ హీరో.

టర్కీలో ప్రపంచప్రఖ్యాతి చెందిన టూరిస్ట్ ఎట్రాక్షన్స్ చాలానే ఉన్నాయి. అట్లాంటా సిటీ సమీపంలోని కుర్సునులు వాటర్ ఫాల్ పార్క్ లో తన వైఫ్ తో కలిసి చక్కర్లు కొడుతున్న ఫోటోలు ఆన్ లైన్ లో దర్శనమిచ్చాయి. అఫ్ కోర్స్.. ఇందులో లీకుల్లాంటి ప్రహసనాలు ఏం ఉండవు. మీడియా మేనేజ్మెంట్ విషయంలో బన్నీ బాబు బాగా పక్కా. తన మేనేజర్ ద్వారా ఎప్పటికప్పుడు అప్ డేట్స్ ఇప్పించేస్తుంటాడు.

టర్కీలో వారం రోజులకు పైగా ఉండనున్న బన్నీ అండ్ ఫ్యామిలీ.. అక్కడ ప్రఖ్యాతి చెందిన అన్ని ప్రదేశాలను కవర్ చేయనున్నారు. తన భార్య స్నేహారెడ్డితో కలిసి.. టర్కీ మొత్తాన్ని చుట్టేశాక హైద్రాబాద్ వచ్చేసి.. అప్పుడు తన నెక్ట్స్ ప్రాజెక్ట్ ని అనౌన్స్ చేస్తాడట అల్లు అర్జున్.