ఫ్యామిలీతో బ‌న్ని సంక్రాంతి సెల‌బ్రేష‌న్స్

టాలీవుడ్ స్టార్ హీరోల్లో ప‌ర్ఫెక్ట్ ఫ్యామిలీ మ్యాన్ గా గుర్తింపు తెచ్చుకున్నారు స్టైలిష్ స్టార్ అల్లు అర్జున్. ఓవైపు సినిమాల‌తో పూర్తి బిజీగా ఉన్నా ఫ్యామిలీ - పిల్ల‌ల కోసం స‌మ‌యం వెచ్చించ‌డం బ‌న్ని ప్ర‌త్యేక‌త‌. కిడ్స్ అల్లు అయాన్.. అర్హ‌.. భార్య స్నేహ‌తో క‌లిసి వెకేష‌న్స్ తో పూర్తి చిలౌట్ మోడ్ లోకి వెళ్లిపోతాడు.

అయితే ఈసారి సంక్రాంతి అత‌డికి లైఫ్ లో ఎంతో ప్ర‌త్యేక‌మైన‌ది. ఈ సంక్రాంతిని బ‌న్ని ఎలా సెల‌బ్రేట్ చేశాడు? అంటే.. ఇదిగో తాజాగా బ‌న్ని సోద‌రుడు శిరీష్ రివీల్ చేసిన‌ ఈ వీడియో చూస్తే అర్థ‌మ‌వుతుంది. `నా పేరు సూర్య` లాంటి డిజాస్ట‌ర్ త‌ర్వాత ఏడాదిన్న‌ర డైల‌మా.. ఎట్ట‌కేల‌కు స‌క్సెస్ తో తుడిచిపెట్టుకుపోయింది. అల వైకుంఠ‌పుర‌ములో రూపంలో సంక్రాంతి విన్న‌ర్ గా నిలిచాడు బ‌న్ని. అందుకే ఈసారి సంక్రాంతిని సంథింగ్ స్పెష‌ల్ గా ఎంజాయ్ చేశాడు.

అల‌.. క్లీన్ హిట్ అన్న టాక్ రావ‌డంతో బ‌న్ని ఫుల్ చిలౌట్ మోడ్ లోకి వెల్లిపోయాడు. అల్లు ఫ్యామిలీకి చిలౌట్ సీజ‌న్ ఇది. పైగా సంక్రాంతి క‌లిసొచ్చింది కాబ‌ట్టి భార్య స్నేహారెడ్డితో కలిసి బ‌న్ని మాంచి జోష్ తో ఎంజాయ్ చేశారు. జనవరి 15 సంక్రాంతి రోజున‌ భార్య స్నేహారెడ్డితో అదిరిపోయే పార్టీని సెల‌బ్రేట్ చేశాడు బ‌న్ని. సింగర్స్ అల వైకుంఠపురములో సినిమాలోని పాటలు పాడుతుంటే బ‌న్ని- స్నేహ జంట మైమ‌రిచి ఆస్వాధించారు. అల‌.. బ్లాక్ బ‌స్ట‌ర్ సాంగ్ సామ‌జ‌వ‌ర‌గ‌మ‌న పార్టీకే హైలైట్. ఆ పాట‌ను ఈ జంట ఎంతో ఎంజాయ్ చేయ‌డం క‌నిపించింది. ఈ వీడియోను అల్లు శిరీష్ తన ట్విట్టర్ ద్వారా అభిమానుల‌కు షేర్ చేశారు. అల వైకుంఠ‌పుర‌ములో ఇప్ప‌టికే దాదాపు 60కోట్ల షేర్ వ‌సూలు చేసి స్థిరంగా బాక్సాఫీస్ వేట‌ను సాగిస్తున్న సంగ‌తి తెలిసిందే.

వీడియో కోసం క్లిక్ చేయండి