బర్త్ డే స్పెషల్ గిఫ్ట్ ఇచ్చిన బన్నీ

ఏప్రిల్ 8.. అల్లు అర్జున్ ఫ్యాన్స్ కి పండగ. తమ అభిమాన హీరో బర్త్ డే సందర్భంగా రకరకాల సెలబ్రేషన్స్ ప్లాన్ చేసుకోవడం సహజంగా కనిపించే విషయం. అలాగే అభిమానులకు గిఫ్ట్ ఇచ్చేందుకు ప్రయత్నించడం కూడా అలవాటే. ఇవాళ తన పుట్టిన రోజు సందర్భంగా.. కొత్త సినిమాను అనౌన్స్ చేసి ఫ్యాన్స్ కి సూపర్బ్ గిఫ్ట్ ఇచ్చాడు స్టైలిష్ స్టార్.

కొన్ని నెలలుగా అనుకుంటున్న ప్రాజెక్టునే ఇప్పుడు అధికారికంగా అనౌన్స్ చేశారు. వక్కంతం వంశీ దర్శకత్వంలోనే బన్నీ నెక్ట్స్ మూవీ చేయనున్నాడు. లగడపాటి శ్రీధర్ బన్నీ వాసు నిర్మాణంలో.. రామలక్ష్మి సినీ క్రియేషన్స్ పతాకంపై ప్రొడక్షన్-నెంంబర్ 9 అంటూ.. అల్లు అర్జున్ కి బర్త్ డే గ్రీటింగ్స్ చెబుతూ ఇచ్చిన పోస్టర్ తో.. ప్రాజెక్ట్ అనౌన్స్ మెంట్ వచ్చేసింది. ఈ మూవీని మెగా బ్రదర్ నాగేంద్ర బాబు సమర్పిస్తుండడం మరో విశేషంగా చెప్పుకోవాలి. అయితే.. ముందుగా అనుకున్నట్లుగా నా పేరు సూర్య అనే టైటిల్ ని మాత్రం అనౌన్స్ చేయలేదు.

మరేదైనా పవర్ ఫుల్ టైటిల్ కోసం చూసి.. అప్పుడు టైటిల్ విషయంలో తుది నిర్ణయానికి వస్తాడట బన్నీ. మరోవైపు.. డీజే-దువ్వాడ జగన్నాధం టీం కూడా అల్లు అర్జున్ ఫ్యాన్స్ కి స్పెషల్ ట్రీట్ ఇచ్చేందుకు సిద్ధమైపోతోంది. ఇవాళ సాయంత్రం.. డీజేకీ సంబంధించిన ఓ స్పెషల్ ని రిలీజ్ చేయనున్నారట. ఫ్యాన్స్ కి ట్రీట్ ఇవ్వబోతున్నాడట డీజే డైరెక్టర్ హరీష్ శంకర్.

Like Us on Facebook : https://www.facebook.com/Tupakidotcom/