ఆర్య ఐటెం సాంగ్ లను మించిన ఐటెం రెడీ అయ్యిందట

అల్లు అర్జున్‌.. సుకుమార్ ల కాంబినేషన్ లో ఇప్పటికే ఆర్య మరియు ఆర్య 2 సినిమాలు వచ్చిన విషయం తెల్సిందే. ఆర్య సినిమా లో ఆ అంటే అమలాపురం మరియు ఆర్య 2 లో రింగ రింగ ఐటెం సాంగ్ లు ఏ రేంజ్ లో సక్సెస్ అయ్యాయో ప్రత్యేకంగా చెప్పనక్కర్లేదు. ముఖ్యంగా రింగ రింగ ఐటెం సాంగ్‌ కేవలం తెలుగు వారినే కాకుండా మొత్తం దేశ వ్యాప్తంగా మారు మ్రోగిపోయింది. సుకుమార్‌ దేవిశ్రీ ప్రసాద్‌ ల కాంబోలో వచ్చిన ఆ రెండు ఐటెం సాంగ్ లను మించిన మరో ఐటెం సాంగ్‌ రెడీ అయ్యిందని తెలుస్తోంది.

వీరిద్దరి కాంబోలో వస్తున్న పుష్ప సినిమా పై అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా సుకుమార్‌ పుష్ప ను అద్బుతంగా చిత్రీకరిస్తున్నాడు. సినిమా చిత్రీకరణ నుండి మొదలుకుని ఐటెం సాంగ్‌ వరకు అన్ని విషయాల్లో కూడా సుకుమార్‌ తన దైన శైలిని కంటిన్యూ చేస్తున్నట్లుగా తెలుస్తోంది. పుష్ప సినిమా కోసం దేవిశ్రీ ప్రసాద్‌ ఒక ఐటెం సాంగ్‌ ను ఇప్పటికే ట్యూన్‌ చేశాడు. తాజాగా ఆ పాటను రికార్డ్‌ చేసినట్లుగా తెలుస్తోంది.

రికార్డు చేసిన తర్వాత ఐటెం సాంగ్‌ ను వింటే ఇది అంతకు మించి అన్నట్లుగా ఉందంటూ ప్రశంసలు దక్కాయట. గతంలో వచ్చిన రెండు ఆర్య ఐటెం సాంగ్ లను మించి అద్బుతంగా ఈ ఐటెం సాంగ్‌ వచ్చిందని.. మాస్‌ ఆడియన్స్‌ చొక్కాలు చించుకనే విధంగా ఈ ఐటెం సాంగ్‌ ఉందని మేకర్స్ అంటున్నారు. ఎప్పుడెప్పుడు ఈ పాటను విడుదల చేయాల అంటూ ఎదురు చూస్తున్నట్లుగా వారు ఆఫ్‌ ది రికార్డు అంటున్నారు. ఈ ఐటెం సాంగ్‌ ను ఎవరితో చిత్రీకరించబోతున్నారు అనేది ఇంట్రెస్టింగ్‌ గా మారింది.