హ్యాపీ బర్త్‌డే బన్నీ

బన్ని 'సన్నాఫ్‌ సత్యమూర్తి'గా ప్రేక్షకుల ముందుకు వస్తున్నాడు. ప్రస్తుతం ఫిలింసర్కిల్స్‌లో చర్చంతా ఈ సినిమా గురించే. రేసుగుర్రమంటి కుర్రాడు .. ముగ్గురు భామలతో రొమాన్స్‌ చేశాడు. క్లాస్‌గా కనిపిస్తూనే మాస్‌ని టచ్‌ చేస్తున్నాడు. పైగా మాటల మాంత్రికుడు, ఇంటెలిజెంట్‌ దర్శకుడు త్రివిక్రమ్‌ శ్రీనివాస్‌ ఈ చిత్రాన్ని నవరసభరితంగా తెరకెక్కించాడు. కుటుంబ సమేతంగా వీక్షించే సినిమాగా దీనిని రూపొందించాడు.

ఈ గురువారమే రిలీజ్‌. కాబట్టి అందరిలోనూ ఒకటే ఉత్కంఠ. రేసుగుర్రం రికార్డుల్ని బద్ధలు కొడతాడా? జులాయి మ్యాజిక్‌ని మరోసారి రిపీట్‌ చేస్తాడా? ఏం జరగబోతోంది అన్న ఉత్కంఠ అందరిలోనూ ఉంది. తొలివారంలోనే 40కోట్ల వసూళ్లను సునాయాసంగా అధిగమించే హీరోగా బన్నికి పేరుంది. సినిమా సినిమాకి ఏదో ఒక కొత్తదనం కోసం తపించే బన్నీ ఈసారి హెయిర్‌స్టయిల్‌, లుక్‌ పూర్తిగా మార్చేశాడు. సూటు బూటు వేసుకున్న కుర్రాడు, సాదా సీదాగా కనిపించే కుర్రాడు, ఉన్నట్టుండి డెనిమ్స్‌లో కనిపించి మాస్‌ని చిత్తు చేసే కుర్రాడు.. ఇలా డిఫరెంటుగా కనిపిస్తున్నాడు సత్యమూర్తి గారబ్బాయ్‌.

అన్నట్టు ఈరోజు బన్ని పుట్టినరోజు. అంటే సన్నాఫ్‌ సత్యమూర్తి రాక అతడి పుట్టినరోజుకు తర్వాతి రోజన్నమాట. ఇకపోతే ఇవాళే మనోడు ట్విట్టర్‌లో తన ఖాతాను తెరుస్తున్నాడు. తన ట్విట్టర్‌ ఎంట్రీకి వెల్‌కమ్‌ చెబుతూ, ఈ సినిమా పెద్ద హిట్టు కొట్టాలని ఆకాంక్షిస్తూ.. బన్నీకి పుట్టినరోజు శుభాకాంక్షలు తెలియజేస్తోంది తుపాకి.కామ్‌