ఈ కంపారిజన్లు ఎందుకబ్బా!!

ఇప్పుడు తెలుగులో ఇద్దరు యంగ్ స్టార్ హీరోల మధ్య పోటీ మొదలైంది. ఇక్కడ ఎవ్వరూ ఎవరికి పోటీ కాకపోయినా, ఒకేలాంటి పాత్రలు ఇద్దరు హీరోలు చేస్తే ఖచ్చితంగా అభిమానులు పోల్చి చూస్తారు. ఇప్పుడు కూడా యంగ్ టైగర్ ఎన్టీఆర్ కు స్టైలిష్ స్టార్ అల్లు అర్జున్ కి పోటీ పడింది. అల్లు అర్జున్ దువ్వాడ జగన్నాధం విడుదలకు సిద్దమైంది. ఫస్ట్ లుక్ లో బ్రాహ్మిణ్ అబ్బాయిగా కనిపించి అందరని ​​ఆకట్టుకున్నాడు. ట్రైలర్ కూడా అదే రేంజ్ లో హిట్ అయ్యింది. ఇప్పుడు అసలు సమస్య ఇక్కడే మొదలైంది.

వినాయక్ డైరక్షన్లో ‘అదుర్స్’ సినిమాలో కూడా ఎన్టీఆర్ కూడా తన బ్రాహ్మణ గెటప్ తో కామెడీ టైమింగ్ తో చెలరేగిపోయాడు. ఇప్పుడు అల్లు అర్జున్ కొత్త సినిమాలో బ్రాహ్మణ కుర్రాడుగా కనిపించనున్నాడు. ఈ ట్రైలర్ విడుదలలో అల్లు అర్జున్ నటన చూస్తే ఎన్టీఆర్ సెట్ చేసిన స్థాయిలో లేదు అని కొంతమంది వాదన. ఈ వార్త విన్న అర్జున్ బృందం కాస్త ఈ విషయం పై టెన్షన్ పడుతున్నట్లు తెలుస్తుంది. ఇప్పటికే చాలా విమర్శలతో సతమతమైన గుడిలో బడిలో అనే పాట పై రచ్చ సద్దుమణిగితే ఇప్పుడు ఈ పోలిక చేసి కొత్త సమస్య లేవదీస్తున్నారు ఎందుకబ్బా అని అనుకుంటున్నారట. అల్లు అర్జున్ ఇప్పటికే తన నటనతో ఎటువంటి పాత్ర నైనా అవలీలగా చేసే స్థాయి లో ఉన్నాడు. ఎన్టీఆర్ తో పోల్చి అనవసర రచ్చ ఎందుకు అని అర్జున్ టీమ్ అభిప్రాయం.

హరీష్ శంకర్ డైరక్షన్ లో వస్తున్న దువ్వాడ జగన్నాధం సినిమాను దిల్ రాజు నిర్మిస్తున్నారు. అల్లు అర్జున్ కి జంటగా పూజ హెగ్డే హీరోయిన్ గా నటిస్తోంది. ఈ సినిమాకు సంగీతం దేవి శ్రీ ప్రసాద్ అందించాడు. జూన్ 23 న ప్రేక్షకులు ముందుకు రానుందీ సినిమా!!

Like Us on Facebook : https://www.facebook.com/Tupakidotcom/