బన్నీ చేసే బ్రాహ్మిన్ సాంగ్ ఇదే

అల్లు అర్జున్ అంటేనే స్టైలిష్ స్టార్. తన స్టైల్ కు కొత్త టచప్స్ ఇస్తూ చేస్తున్న మూవీ డీజే- దువ్వాడ జగన్నాధం. హరీష్ శంకర్ దర్శకత్వంలో రూపొందుతున్న ఈ చిత్రం షూటింగ్.. ఇప్పుడు చివరి దశకు చేరుకుంది. పూజా హెగ్డే హీరోయిన్ గా నటిస్తున్న డీజే మూవీ కోసం.. ప్రస్తుతం ఓ పాటను పిక్చరైజ్ చేస్తున్నారు.

'అస్మైక యోగ.. తస్మైక భోగ.. రస్మైక రాగ హిందోళం' అంటూ సాగే పాట చిత్రీకరణ జరుగుతోంది. అబుదాబిలో ఈ సాంగ్ ను గ్రాండ్ లెవెల్ లో తెరకెక్కిస్తున్నాడు దర్శకుడు. రామజోగయ్య రాసిన ఈ పాటలోని సాహిత్యం ఏ స్థాయిలో ఉంటుందో.. పల్లవి ఒక్కటి చూస్తేనే అర్ధమయిపోతుంది. బన్నీ చేస్తున్న బ్రాహ్మిన్ పాత్రకు తగినట్లుగానే ఈ పాట కూడా సాగనుంది. పూజా హెగ్డే అందాలు 'అస్మైక యోగ.. తస్మైక భోగ.. రస్మైక రాగ హిందోళం'కు ప్రత్యేక ఆకర్షణ కానున్నాయి.

అల్లు అర్జున్ చేసే నృత్యం ఈ పాటలో ప్రధానంగా ఆకట్టుకుంటుందని చెబుతున్నాడు దర్శకుడు హరీష్ శంకర్. బన్నీ డ్యాన్స్ చేస్తుంటే చూసేందుకు రెండు కళ్లు చాలవని.. అదో గొప్ప అనుభూతి అని కూడా చెప్పాడు. ఈ నెల 9వరకూ అబుదాబిలో షూటింగ్ జరగనుండగా.. ఆ తర్వాత హైద్రాబాద్ లో మిగిలిన పనులు పూర్తి చేయనున్నారు. మొదట ఏప్రిల్ లో రిలీజ్ చేద్దామని భావించిన డీజేను.. ఇప్పుడు మే నెలకు షెడ్యుల్ చేసినట్లు తెలుస్తోంది.


Like Us on Facebook : https://www.facebook.com/Tupakidotcom/