వైర‌ల్ గా మారిన‌ అల్లు అర్జున్ ఛాలెంజ్‌

బ‌న్నీ చిత్రాల్లో `ఆర్య‌` చిత్రానికున్న ప్ర‌త్యేక గురించి ప్ర‌త్యేకంగా చెప్పాల్సిన ప‌ని లేదు. అలాగే బ‌న్నీ కెరీర్ సుకుమార్ కున్న ప్రాధాన్య‌త గురించి కూడా చెప్పాల్సిన అవ‌స‌రం లేదు. ఎందుకంటే `ఆర్య‌` బ‌న్నీని స‌రికొత్త‌గా ప్ర‌జెంట్ చేసి అత‌ని కెరీర్‌ని స‌రికొత్త మ‌లుపు తిప్పింది. అప్ప‌టి నుంచి బ‌న్నీకి సుక్కు అంటే ప్ర‌త్యేక అభిమానం ఏర్ప‌డింది. దాంతో సుక్కు, అత‌నితో చేసిన `ఆర్య‌` బ‌న్నీకి ఎప్ప‌టికీ స్పెష‌లే. ఈ ఇద్ద‌రూ క‌లిసి ముచ్చ‌ట‌గా మూడ‌వ‌సారి క‌లిసి ప‌ని చేసిన చిత్రం `పుష్ప : ది రైజ్‌`. ఇది వీరిద్ద‌రి కెరీర్ కి నెక్స్ట్ లెవెల్ సినిమా.

అందుకే దీన్ని చాలా ప్ర‌త్యేకంగా భావించారు. కేవ‌లం సుక్కుపై వున్న అపార‌మైన న‌మ్మ‌క‌మే స్టైలిష్ హీరోగా పేరు తెచ్చుకున్న బ‌న్నీని ఊర‌మాసీవ్ క్యారెక్ట‌ర్ పుష్ప‌రాజ్ పాత్ర‌లో న‌టించేలా చేసింది.

ఇదే విష‌యాన్ని బ‌న్నీ `పుష్ప‌` రిలీజ్ కు ముందు అంటే గురువారం రాత్రి జ‌రిగిన ప్రెస్ మీట్ లో వెల్ల‌డించాడు. అంతే కాకుండా త‌ను బ‌లంగా న‌మ్మిన ద‌ర్శ‌కుడు సుకుమార్ టాలెంట్ ఏంటో .. ఆయ‌న ఎంత‌టి ప్ర‌తిభావంతుడో చెప్పి ప్ర‌శంస‌ల వ‌ర్షం కురిపించాడు. ఒక్క‌మాట‌లో చెప్పాలంటే ఈ సినిమా చూసిన ప్ర‌తీ ద‌ర్శ‌కుడు ఎలా తీసారిలా అని సుక్కు ద‌గ్గ‌ర క్లాసులు తీసుకుంటార‌ని అది జ‌ర‌క్క‌పోతే మైత్రీ ఆఫీస్‌లో చొక్కా విప్పేసి తిరుగుతాన‌న‌ని బ‌న్నీ ఓపెన్ ఛాలెంజ్ చేయ‌డం వైర‌ల్ గా మారింది.

ఈ సంద‌ర్భంగా బ‌న్నీ ద‌ర్శ‌కుడు సుకుమార్ పై చేసిన వ్యాఖ్య‌లు ఇండ‌స్ట్రీ వ‌ర్గాల్లో హాట్ టాపిక్ గా మారాయి. `పుష్ప‌` సినిమాను తాను ఓ హీరోలా కాకుండా ఓ స‌గ‌టు ప్రేక్ష‌కుడిలా చూశాన‌ని, సుకుమార్ ఈ సినిమాని మామూలుగా తీయ‌లేద‌ని, ఒక క‌మ‌ర్షియ‌ల్ సినిమాను ఇలా కూడా తీయెచ్చా అని అంతా ఆశ్చ‌ర్య‌పోయేలా తీశార‌ని, థియేట‌ర్ల‌లో సినిమా చూస్తున్న ప్రేక్ష‌కులు మేకింగ్ చూసి పిచ్చెక్కిపోతార‌ని, మేం అనుకున్న మ్యాజిక్ వ‌ర్కవుట్ అయితే సినిమా వేరే లెవెల్ కి వెళుతుంద‌ని,, అంతే కాకుండా ఈ సినిమా విడుద‌ల‌య్యాక ద‌ర్శ‌కులంతా సుకుమార్ ని చూసి ఆశ్చ‌ర్య‌పోతార చెప్పుకొచ్చాడు.

అంతే కాకుండా ప్ర‌తీ ద‌ర్శ‌కుడు సుక్కుని పొగిడేస్తూ అస‌లు ఇలా ఎలా తీశారని అడుగుతార‌ని, ప్ర‌తీ సీన్ గురించి చ‌ర్చిస్తార‌ని, అంతే కాకుండా ఈ సినిమా మేకింగ్ విష‌యంలో సుక్కు వ‌ద్ద మెల‌కువ‌లు నేర్చుకోవ‌డం కోసం ప్ర‌త్యేకంగా క్లాసులు కూడా తీసుకుంటార‌ని అది జ‌ర‌క్క‌పోతే చొక్కా విప్పేసి తిరుగుతాని బ‌న్నీ ఛాలెంజ్ చేయ‌డం వైర‌ల్ గా మారింది.

బ‌న్నీ ఇంత‌లా మోసేస్తున్న సుక్కు `పుష్ప‌` విష‌యంలో చేసిన మ్యాజిక్ ఏంటీ? అది ఏ రేంజ్ లో వ‌ర్క‌వుట్ అయ్యింద‌న్న‌ది తెలియాలంటే ఈ మూవీ సాధించే ఓపెనింగ్స్ తెలిసే వ‌ర‌కు వేచి చూడాల్సిందే.