ఇంత‌కుమించిన అర్హ‌త నీకుంది సామ్

అక్కినేని కోడ‌లు స‌మంత కెరీర్ పీక్స్ ని ఎంజాయ్ చేస్తున్న సంగ‌తి తెలిసిందే. తెలుగు- త‌మిళ‌ ప‌రిశ్ర‌మ‌ల్లో త‌న‌కంటూ ఓ స్థాయిని అందుకునేందుకు ఎంతో హార్డ్ వ‌ర్క్ చేస్తున్న సామ్ నెమ్మ‌దిగా ఒక్కో మెట్టు ఎక్కుతూ స‌త్తా చాటుతోంది. రంగ‌స్థ‌లం- సూప‌ర్ డీల‌క్స్ లాంటి చిత్రాల‌తో ఇరు ప‌రిశ్ర‌మ‌ల్లోనూ క‌మ‌ర్షియ‌ల్ స‌క్సెస్ లు అందుకుంది. న‌టిగానూ గొప్ప పేరు వ‌చ్చింది. యూట‌ర్న్ లో పెర్ఫామెన్స్ కి మెప్పు పొందింది. వీట‌న్నిటినీ మించి `ఓ బేబి` సినిమాతో బెస్ట్ పెర్ఫామ‌ర్ గా విమ‌ర్శ‌కుల ప్ర‌శంస‌లు ద‌క్కించుకుంటోంది. సామ్ కెరీర్ హ్యాపీయెస్ట్ అకేష‌న్ ఇదని చెప్పొచ్చు.

ఇటీవ‌లే రిలీజైన `ఓ బేబి` చిత్రంలో స‌మంత న‌ట‌న‌కు అభిమానులు.. ఇండ‌స్ట్రీ వ‌ర్గాల నుంచి ప్ర‌శంసలు వెల్లువెత్తుతున్నాయి. తాజాగా స‌న్నాఫ్ స‌త్య‌మూర్తి కోస్టార్ అల్లు అర్జున్ నుంచి సమంత అద్భుత‌మైన కాంప్లిమెంట్ అందుకున్నారు. అక్కినేని కోడ‌లు ప్ర‌తిభ‌ను కొనియాడుతూ బ‌న్ని ఓ ప‌చ్చ‌ని బోన్సాయ్ మొక్క‌ను దాంతో పాటే పింక్ రోజెస్ ని కానుక‌గా పంపించారు. ఆ మొక్క‌కు అత‌డు జ‌త‌చేసిన ఓ స్పెష‌ల్ నోట్ అంద‌రినీ ఆక‌ర్షిస్తోంది.

ఫోన్ కాల్ ప్ర‌శంసనో.. గులాబీల కానుక‌నో అని కాదు.. వీటిని మించి ఇంకా అందుకునే అర్హ‌త నీకు ఉంది. ఎంతో అందంగా గొప్ప స్థాయికి ఎదిగావ్!! అంటూ బ‌న్ని ప్ర‌శంసించారు. 70 వ‌య‌సు వృద్ధురాలు.. పాతిక వ‌య‌సు అమ్మాయిగా మారాక అటుపై ఏం జ‌రిగింది? అన్న కాన్సెప్టుతో ఓ బేబి తెర‌కెక్కింది. ఇందులో స‌మంత ఎంతో ఠిఫిక‌ల్ పాత్ర‌ను అద్భుతంగా పోషించార‌న్న ప్ర‌శంస‌లు ద‌క్కుతున్నాయి. సౌత్ లోనే ది బెస్ట్ పెర్ఫామ‌ర్స్ లో ఒక‌రిగా స‌మంత అంద‌రి మ‌న్న‌న‌లు అందుకోవ‌డం ఆస‌క్తిక‌రం.