ఫోటో టాక్‌: బ‌స్తీలో బ‌న్నీ గ్యాంగ్‌

ఏ బ‌స్తీకి వెళ్లినా గోలీలాట‌లో మ‌న‌మే గెల‌వాలి! గూటీ బిల్ల‌లోనూ మ‌న‌మే బెస్ట్‌గా ఉండాలి. పిచ్చి బంతాట‌.. కోతి క‌మ్మ‌చ్చి.. క‌బ‌డ్డీ, కోకో .. ఆట ఏదైనా మ‌న‌దే హ‌వా సాగాలి. చిన్న‌ప్పుడు ఊళ్లలో ఒక్కో వీధిలో ఒక్కో గ్యాంగ్ ఇలాగే సంద‌డి చేసేవి. అదంతా ప‌ల్లె వాతావ‌ర‌ణంలో .. ప్ర‌శాంత వాతావ‌ర‌ణంలో మ‌ర‌పురాని జ్ఞాప‌కాలు. అయితే ఈరోజుల్లో అలాంటి ఆట‌ల‌కు ఆస్కారం లేదు. అయితే క్రికెట్, త‌ప్పితే కంప్యూట‌ర్ ఆట‌ త‌ప్ప, వేరే ఆట‌లేం లేవ్‌! అందుకేనేమో బ‌న్ని ఇలా వెరైటీగా ప్లాన్ చేశాడు.

వీళ్ల‌ను చూస్తుంటేనే అర్థ‌మ‌వుతోంది.. ఈ బ్యాచ్ మొత్తం దాగుడు మూత‌ల దండాకోర్ బ్యాచ్ అని!! ఈ టీమ్ లీడ‌ర్‌గా బ‌న్నియే ఉన్నాడా.. లేక‌పోతే అయాన్‌ కి అప్ప‌జెప్పాడో కానీ, మొత్తానికి ఈ గ్యాంగ్ ప‌క‌డ్భందీగానే క‌నిపిస్తోంది. బ‌స్తీలో బ‌న్నీ గ్యాంగ్ అల్ల‌రి మామూలుగా లేదు. అల్ల‌రిగా క‌నిపించ‌ని అల్ల‌ర‌ల్ల‌రి పిడుగులే క‌నిపిస్తున్నాయ్‌. మ‌ధ్య‌లో బ‌న్ని స‌తీమ‌ణి స్నేహారెడ్డి అంపైరింగ్ చేస్తున్నారో ఏమో కానీ, మొత్తానికి ఒక క్రికెట్ టీమ్‌కి స‌రిప‌డా ఉన్నారు గ‌డుగ్గాయ్‌లు. మేమంతా క‌లిసి ఇటీవ‌లే బ్రంచ్‌కి వెళ్లాం! అంటూ స్నేహా ఇదివ‌ర‌కూ సామాజిక మాధ్య‌మాల్లో ఫోటోని రివీల్ చేశారు. తాజాగా మ‌రో సీక్వెల్ ఫోటో లీక్ చేశారు. ఫోటో ఫ్రేమ్ రియ‌ల్లీ ఫెంటాస్టిక్.

ముద్దొచ్చే ఈ చిన్నారుల‌తో ఆట‌లాడుకుంటూ బ‌న్ని ఎంత హాయిగా ఎంజాయ్ చేస్తున్నాడో అర్థ‌మ‌వుతోంది. యుద్ధంలోకి దిగే ముందు సైనికుడిలా సైలెంట్‌గా ఉన్నాడు బ‌న్ని. త్రివిక్ర‌మ్‌తో ఇక యుద్ధం మొద‌లు పెట్టేయ‌డానికి టైమ్ ద‌గ్గ‌ర ప‌డింది. అర‌వింద స‌మేత విజ‌యాన్ని ఆస్వాధిస్తున్న మాయావి, ఇక బ‌న్నిని లాక్ చేస్తాడ‌న‌డంలో సందేహమే లేదు. ఇంత‌కీ విక్ర‌మ్ మాటేమిటో కానీ, కాస్త బ‌న్ని సోష‌ల్ మీడియాలో అయినా క్లారిటీనిస్తాడేమో?