బన్నీ సూపర్ హిట్ మూవీ రీ రిలీజ్ డేట్‌ ఫిక్స్ 

టాలీవుడ్‌ లో రీ రిలీజ్ ల ట్రెండ్‌ నడుస్తోంది. గత కొన్ని రోజులుగా వరుసగా స్టార్‌ హీరోల సినిమాలు బాక్సాఫీస్ వద్ద సందడి చేస్తూ ఉన్నాయి. పవన్ కళ్యాణ్ నటించిన సూపర్ హిట్‌ సినిమాలు జల్సా.. ఖుషి సినిమాలు భారీ ఎత్తున విడుదల అయ్యి మంచి కలెక్షన్స్ ను నమోదు చేసిన విషయం తెల్సిందే.

ఇప్పుడు అల్లు అర్జున్‌ వంతు వచ్చింది. ఆయన నటించిన దేశముదురు సినిమా విడుదల అయ్యి పదహారు ఏళ్లు పూర్తి అయ్యింది. ఈ సందర్భంగా ఆ సినిమాను భారీ ఎత్తున రీ రిలీజ్ చేయబోతున్నట్లుగా ప్రకటన వచ్చింది. అల్లు అర్జున్‌ ఫ్యాన్స్‌ బన్నీ సినిమా రీ రిలీజ్ కోసం వెయిట్ చేస్తున్నారు.

అల్లు అర్జున్‌ మరియు పూరి జగన్నాధ్ కాంబోలో వచ్చిన దేశ ముదురు సినిమాతో అప్పట్లో హన్సిక హీరోయిన్ గా పరిచయం అయిన విషయం తెల్సిందే. అప్పట్లో సంచలన విజయాన్ని నమోదు చేసిన దేశముదురు సినిమాను ఈ ఏడాది బన్నీ బర్త్‌ డే సందర్భంగా రీ రిలీజ్ కు ప్లాన్‌ చేశారు.

ఏప్రిల్‌ 8వ తారీకున అల్లు అర్జున్ పుట్టిన రోజు. ఆ సందర్భంగా ఏప్రిల్‌ 7వ తారీకున సినిమా ను గ్రాండ్ గా రీ రిలీజ్ చేయబోతున్నారు. తెలుగు సినిమా హీరోల్లో బన్నీ మొదటి సిక్స్ ప్యాక్‌ బాడీ ట్రై చేసిన స్టార్‌ హీరోగా అల్లు అర్జున్ ఈ సినిమాతో ఘనత దక్కించుకున్నాడు.

ఇప్పటికి కూడా దేశ ముదురు సినిమా టీవీల్లో వచ్చిన సమయంలో ఫ్యాన్స్ రచ్చ చేస్తారు. ఇక రీ రిలీజ్ అయితే బన్నీ ఫ్యాన్స్ ఏ రేంజ్ లో సందడి చేస్తారో చూడాలి.

ఇక బన్నీ ప్రస్తుత సినిమా విషయానికి వస్తే పుష్ప 2 సినిమాను చేస్తున్న విషయం తెల్సిందే. సుకుమార్‌ దర్శకత్వంలో రూపొందుతున్న ఆ సినిమాకు సంబంధించిన షూటింగ్‌ కార్యక్రమాలు ఇటీవలే ప్రారంభం అయ్యాయి. వచ్చే ఏడాది ఈ సినిమాను ప్రేక్షకుల ముందుకు తీసుకు వచ్చే అవకాశాలు ఉన్నాయి.