డీజీ.. రెడీ టు రాక్ డ్యాన్స్ ఫ్లోర్

అల్లు అర్జున్ డ్యాన్సులు ఏ రేంజ్ లో ఇరగదీస్తాడో చెప్పాల్సిన పని లేదు. యాక్షన్ లో దుుమ్మ దులిపేసి, డ్యాన్స్ లు అదరగొట్టేసే సరికి సరైనోడు లాంటి యావరేజ్ స్టోరీ సినిమా కూడా బ్లాక్ బస్టర్ హిట్టయిపోయింది. గంగోత్రి ఆర్య మొదలు ఇంతవరకు ఏ సినిమాలోనూ బన్నీ డ్యాన్స్ విషయంలో ఫ్యాన్స్ ను నిరాశ పరచలేదు. అతడి డ్యాన్స్ కు అన్ని వర్గాల్లోనూ అభిమానులు ఉన్నారు. అందుకే బన్నీ సినిమాల్లో పాటల విషయంలో డైరెక్టర్లు మరికాస్త కేర్ తీసుకోక తప్పదు.

తాజాగా వస్తున్న దువ్వాడ జగన్నాథమ్ సినిమాలో కూడా డైెరెక్టర్ హరీష్ శంకర్ బాగానే ఫోకస్ చేసినట్టున్నాడు. ఈ సినిమా టీజర్ లో భాగంగా విడుదల చేసిన గుడిలో బడిలో పాట చూస్తేనే ఈ విషయం అర్ధమైపోతుంది. ఈ పాటలో హీరోయిన్ పూజా హెగ్డేతో కలిసి కలిసి బన్నీ వేసిన స్టెప్పులను చూసి ఫ్యాన్స్ చిందులు వేస్తున్నారు. సినిమా ఆడియో ఈ నెల 11న రిలీజ్ కానుంది. ఈ సందర్భంగా అల్లు అర్జున్ డ్యాన్స్ ఫోజుతో ఉన్న ఫొటో రిలీజ్ చేశారు. బన్నీకి డ్యాన్స్ పట్ల ఉన్న పాషన్ మొత్తం ఈ పోస్టర్ లో కనిపిస్తుంది. ఎంతో ఈజ్ తో ఇంకెంతో ఉత్సాహంతో ఊగిపోతూ డ్యాన్స్ చేస్తున్నట్లుగా ఉన్న ఈ ఫొటో ఈ సినిమాలో డ్యాన్స్ లు ఏ రేంజ్ లో కంపోజ్ చేశారో చూపించేలా ఉంది.

దువ్వాడ జగన్నాథమ్ ఈ నెల 23న థియేటర్లకు రానున్నాడు. ఈలోగా సినిమా ప్రమోషన్ లో భాగంగా ఈ నెల 18న సినిమాకు సంబంధించి ప్రీ రిలీజ్ ఫంక్షన్ చేయాలని ప్రొడ్యూసర్ దిల్ రాజు ఆలోచనలో ఉన్నాడు. అంతకన్నా ముందు 11న జరిగే ఆడియో రిలీజ్ ఫంక్షన్ కూడా గ్రాండ్ గా చేయడానికి సిద్ధమైపోయాడు.


Like Us on Facebook : https://www.facebook.com/Tupakidotcom/