దువ్వాడ క్లైమాక్స్ కి వచ్చేశాడు

తన ప్రతీ సినిమాకి మినిమం 50 కోట్ల కొల్లగొట్టడం.. కొన్నేళ్లుగా అల్లు అర్జున్ కి అలవాటయిపోయింది. ప్రతీ మూవీతోను తన స్థాయిని పెంచుకుంటున్న బన్నీ.. ఇప్పుడు దువ్వాడ జగన్నాధంతో మరో ఇండస్ట్రీ హిట్ కొడతాడనే అంచనాలున్నాయి. డీజే షూటింగ్ 85 శాతం పూర్తయిందని ఇప్పటికే చెప్పిన యూనిట్.. మిగిలిన భాగాన్ని ఈ నెలలోనే పూర్తి చేయనున్నారు.

డీజే కు క్లైమాక్స్ తో పాటు రెండు పాటలను చిత్రీకరించాల్సి ఉందని తెలుస్తోంది. కీలకమైన క్లైమాక్స్ ను చిన్నపాటి మార్పులతో మరింత అద్భుతంగా తీర్చిదిద్దాడట దర్శకుడు హరీష్ శంకర్. త్వరలోనే డీజే షూటింగ్ ను ప్రారంభించేసి.. ముందుగా క్లైమాక్స్ ను పూర్తి చేస్తారని తెలుస్తోంది. ఆ తర్వాత పాటలను కూడా హైద్రాబాద్ లోని స్టూడియోస్ లో సెట్స్ వేసి పిక్చరైజ్ చేస్తారట. మొత్తం వర్క్ అంతా మే నెల చివరినాటికి పూర్తయిపోయేలా ప్లాన్ చేసుకున్నట్లు తెలుస్తోంది.

పూజా హెగ్డే హీరోయిన్ నటిస్తున్న ఈ చిత్రానికి దిల్ రాజు నిర్మాత. అల్లు అర్జున్- దిల్ రాజు కాంబినేషన్ లో తొలిసారిగా వచ్చిన ఆర్య సక్సెస్ సాధించగా.. ఆ తర్వాత పరుగు ముూవీ కూడా విజయవంతమైంది. ఇప్పుడు మళ్లీ దాదాపు దశాబ్దకాలం తర్వాత బన్నీ- దిల్ రాజు కలిసి సినిమా చేస్తుండడంతో ఈ చిత్రంపై అంచనాలు ఆకాశంలో ఉన్నాయి.


Like Us on Facebook : https://www.facebook.com/Tupakidotcom/