బుట్టబొమ్మ సెన్షేషన్‌ పై బన్నీ ఇంట్రెస్టింగ్‌ కామెంట్స్‌

ఒక పాట సూపర్‌ హిట్‌ అయ్యింది అంటే దాని మ్యూజిక్ డైరెక్టర్‌.. హీరో.. హీరోయిన్‌.. సినిమా దర్శకుడి క్రెడిట్ ఉంటుంది. కొన్ని సార్లు సింగర్స్ కు కూడా ఆ క్రెడిట్ దక్కుతుంది అనడంలో సందేహం లేదు. ఈ ఏడాది యూట్యూబ్‌ తో పాటు సోషల్‌ మీడియాలో సెన్షేషన్ క్రియేట్‌ చేసిన బుట్ట బొమ్మ పాట కు మాత్రం ఒక క్రికెటర్‌ కు సగం క్రెడిట్‌ ను హీరో అల్లు అర్జున్ ఇచ్చాడు. పాట ఇంతగా పాపులర్‌ అవ్వడానికి సగం కారనం ఖచ్చితంగా ఆస్ట్రేలియా క్రికెటర్‌ వార్నర్‌ అంటూ బన్నీ చేసిన వ్యాఖ్యలు అందరి దృష్టిని ఆకర్షిస్తున్నాయి.

సమంత హోస్టింగ్‌ చేస్తున్న 'సామ్ జామ్' షో లో బన్నీ పాల్గొన్నాడు. కొత్త సంవత్సరం కానుకగా బన్నీ షో స్ట్రీమింగ్‌ అయ్యింది. సమంతతో పలు ముచ్చట్లను బన్నీ షేర్‌ చేసుకున్నాడు. ఈ ఏడాదిలో దుమ్ము రేపిన బుట్ట బొమ్మ పాట గురించి ప్రస్థావన వచ్చిన సమయంలో పాట అంత సక్సెస్‌ అవ్వడానికి యూనిట్‌ సభ్యులం ఎంతగా కష్టపడ్డామో మాకు ఎంతగా క్రెడిట్ ఉందో అంతే సమానమైన క్రెడిట్‌ వార్నర్‌ కు ఉందని బన్నీ చాలా సింపుల్‌ గా చెప్పేశాడు.

ఇంత పాపులారిటీ దక్కడంకు ఆయన కారణం అంటూ బన్నీ పేర్కొన్నాడు. ఇటీవల జరిగిన సిరీస్ లో కూడా వార్నర్‌ స్టేడియంలో బుట్టబొమ్మ స్టెప్‌ వేయడం ఆశ్చర్యంను కలిగించిందని బన్నీ చెప్పుకొచ్చాడు. అల వైకుంఠపురంలో సినిమాలోని బుట్ట బొమ్మ పాటకు థమన్ సంగీతాన్ని అందించగా త్రివిక్రమ్‌ దర్శకత్వం వహించాడు.