అమెరికా ట్రిప్పేయనున్న స్టయిలిష్‌ స్టార్

ఎలాంటి కథలైనా స్టయిలిష్ స్టార్ అల్లు అర్జున్ వరకు వస్తే.. చాలా వినూత్నంగా ప్రజెంట్ అయ్యేలా చూసుకుంటాడు. ముఖ్యంగా పాటల విషయంలో అలాగే యాక్షన్ సీన్స్ కి సంబందించిన వాటిలో బన్నీ స్పెషల్ కేర్ తీసుకుంటాడు. ఆ జాగ్రత్తల వలనే బన్నీ స్టైలిష్ స్టార్ అనే ఇమేజ్ ను చాలా తొందరగా అందుకున్నాడు. ఇకపోతే ప్రస్తుతం బన్నీ నా పేరు సూర్య అనే సినిమాను చేస్తోన్న సంగతి తెలిసిందే.

రచయిత వక్కంతం వంశీ దర్శకత్వం వహించిన ఈ సినిమా షూటింగ్ దాదాపు ఎండింగ్ కు వచ్చేసింది. కేవలం పాటలు మాత్రమే మిగిలి ఉన్నాయి. అయితే ఓ సాంగ్ చిత్రీకరణం కోసం నా పేరు సూర్య టీమ్ అమెరికాకు వెళ్లనుందట. ప్రస్తుతం స్వీడన్ మోడల్ ఎల్లి ఈవ్రమన్ స్పెషల్ సాంగ్ చిత్రీకరణ హైదరాబాద్ లో జరుగుతోంది. దాదాపు ఆ సాంగ్ కూడా ఎండింగ్ లో ఉంది, ఆ వర్క్ ఫినిష్ అవ్వగానే హీరో అల్లు అర్జున్ హీరోయిన్ అను ఇమ్మాన్యుయేల్ మధ్య ఒక రొమాంటిక్ సాంగ్ ని ప్లాన్ చేశారు.

ఎప్పుడు యూఎస్ లో చూడని కొన్ని ప్రముఖ ప్రదేశాల్లో సాంగ్ ని అద్భుతంగా చిత్రీకరించడానికి సన్నాహకాలు చేస్తున్నట్లు టాక్. ఆ సాంగ్ అనంతరం హైదరాబాద్ కు చేరుకొని పోస్ట్ ప్రొడక్షన్ పనులను కూడా ఫినిష్ చేయాలనీ చిత్ర యూనిట్ భావిస్తోంది. పూర్తిగా ఆర్మీ బ్యాక్ డ్రాప్ లో తెరకెక్కుతోన్న ఈ సినిమాను లగడపాటి శ్రీధర్ - నాగబాబు సంయుక్తంగా నిర్మిస్తున్నారు. మే 4న ఈ సినిమా రిలీజ్ కానుంది.