బన్నీ ఐకాన్ ఇంత స్పీడా?

స్టైలిష్ స్టార్ అల్లు అర్జున్ బాగా లేట్ చేసినా కొత్త సినిమాల షూటింగ్ విషయంలో వేగంగానే దూసుకెళ్తున్నట్టు కనిపిస్తోంది. ఇప్పటికే టైటిల్ డిసైడ్ కానీ త్రివిక్రమ్ శ్రీనివాస్ మూవీ రెండో షెడ్యూల్ లో ఉండగా వేణు శ్రీరామ్ దర్శకత్వంలో చేయబోతున్న ఐకాన్ దీనికి ధీటుగా ప్రీ ప్రొడక్షన్ పనుల్లో బిజీగా ఉంది. దిల్ రాజు నిర్మాణంలో రూపొందబోయే ఈ సినిమాకు క్యాస్టింగ్ ఫైనల్ చేయడం అయిపోయిందట. హీరోయిన్ ను కూడా ఫిక్స్ చేశారని టాక్ .

ఈ వివరాలు ఇప్పుడు బయటపెట్టడం తొందపాటుతనం కాబట్టి యూనిట్ ఆ విషయంలో సైలెంట్ గా ఉంది. రష్మిక మందన్నతో సహా ఇంకొన్ని పేర్లు వినిపిస్తున్నాయి కాని అఫీషియల్ గా వస్తే తప్ప ఏది నమ్మలేని పరిస్థితి. సుకుమార్ కన్నా ముందే ఈ ఐకాన్ సెట్స్ పైకి వెళ్ళే అవకాశాలు ఎక్కువగా ఉన్నాయి. అల్లు అర్జున్ ఇందులో బైక్ రైడర్ గా విభిన్నమైన పాత్రను పోషిస్తున్నట్టు తెలిసింది.

దేన్నో వెతుకుతూ పోలీసులను ముప్పతిప్పలు పెడుతూ మైండ్ గేమ్ ఆడే పాత్రలో బన్నీ ఇంతకు ముందు చేయని కొత్త తరహాలో కనిపించబోతున్నట్టు తెలిసింది. వేణు శ్రీరామ్ పక్కా ప్లానింగ్ తో అతి తక్కువ టైంలోనే ఫినిష్ చేసి వచ్చే ఏడాది వేసవి తొలినాళ్ళలోనే రిలీజ్ కు అనుకూలంగా సిద్ధంచేయబోతున్నట్టు చెబుతున్నారు. సుకుమార్ ది ఆ లోపు స్క్రిప్ట్ వర్క్ పూర్తవుతుంది కాబట్టి అల్లు అర్జున్ కు అట్టే గ్యాప్ ఉండదు. ఈ లెక్కన ఐకాన్ స్పీడ్ మాములుగా ఉండబోవడం లేదన్న క్లారిటీ వచ్చేసినట్టే