చూస్తుంటే బన్నీ ఛాన్సిచ్చేలా ఉన్నాడట

ఇప్పటి స్టార్ హీరోల్లో ఇప్పటికిప్పుడు కొత్త దర్శకులతో పనిచేసేంత స్టామినా ఎవరికైనా ఉందా? ఓ యాంగిల్లో చూస్తే.. ఒక్కరంటే ఒక్కరు కూడా అసలు కొత్త డైరక్టర్లకు ఛాన్సులు ఇవ్వట్లేదు. కాని జూ.ఎన్టీఆర్ ఆ పద్దతిని బ్రేక్ చేసి ఇప్పుడు రచయిత వక్కంతం వంశీని డైరక్టర్ ను చేస్తాడని అనుకుంటే.. ఇప్పట్లో ఆ సినిమా గురించి చెప్పలేనని యంగ్ టైర్ మొన్న సెలవివ్వడంతో సీన్ షాకిచ్చింది.

ఒకవేళ ఎన్టీఆర్ ఛాన్సివ్వకపోయినా కూడా.. ఇప్పుడు తన సేఫ్టీలో ఉండాలనుకుంటున్న వక్కంతం.. తాజాగా బన్నీని ఎప్రోచ్ అయినట్లు తెలుస్తోంది. గతంలో మనోడు ''ఎవడు'' సినిమాకు కథ ఇచ్చినప్పటి నుండే అటు రామ్ చరణ్ ఇటు అల్లు అర్జున్ లతో కాస్త క్లోజ్ అయ్యాడట. ఇప్పుడు అదే చనువుతో బన్నీకి ఒక కొత్త కథ చెప్పగా.. మనోడు చాలా ఎక్సయిట్ అయ్యాడని గీతా ఆర్ట్స్ కాంపౌండ్ నుండి టాక్ బయటకు వస్తోంది.

అయితే ప్రస్తుతం డిజె..దువ్వాడ జగన్నాథమ్ సినిమాను చేస్తున్న బన్నీ.. ఆ సినిమా పూర్తయితే కాని ఈ కొత్త సినిమాను మొదలెట్టలేడు. వచ్చే ఏప్రియల్ వరకు ఆ సినిమా పనుల్లోనే బిజీ. ఈలోపు మరి వక్కంతంకు ఎన్టీఆరే ఛాన్సిస్తాడా లేకపోతే వచ్చే సమ్మర్ లో బన్నీ అవకాశం ఇస్తాడా? లేదంటే ఈలోపు ఇంకెవరైనా యంగ్ హీరోతో ఈ రైటర్ తన డెబ్యూ ప్లాన్ చేసుకుంటాడా? లెటజ్ సీ!!