పక్కా లోకల్‌ బ్యూటీతో బన్నీ తీన్‌ మార్‌

అల్లు అర్జున్‌ హీరోగా త్రివిక్రమ్‌ దర్శకత్వంలో రూపొందుతున్న చిత్రం షూటింగ్‌ కొత్త షెడ్యూల్‌ తాజాగా ప్రారంభం అయ్యింది. ఈ చిత్రంలో ఒక హీరోయిన్‌ గా పూజా హెగ్డే ఎప్పుడో ఎంపిక అయ్యింది. తాజాగా ఈ చిత్రంలో సెకండ్‌ హీరోయిన్‌ గా నివేథా పేతురాజ్‌ ను ఎంపిక చేసినట్లుగా అధికారికంగా ప్రకటన వచ్చింది. ప్రస్తుతం జరుగుతున్న షెడ్యూల్‌ లో నివేథా పాల్గొంటుంది. టబు కీలక పాత్రలో కనిపించబోతున్న ఈ చిత్రంలో అక్కినేని హీరో సుశాంత్‌ నటించబోతున్నాడు. ఇలా స్టార్స్‌ తో నిండిపోయిన ఈ చిత్రంలో మరో స్టార్‌ హీరోయిన్‌ కూడా కనిపించబోతుంది.

త్రివిక్రమ్‌ తన సినిమాల్లో ఎక్కువ శాతం ఐటెం సాంగ్స్‌ కు ప్రాముఖ్యత ఇస్తూ ఉంటాడు. అల్లు అర్జున్‌ తో ప్రస్తుతం తెరకెక్కిస్తున్న చిత్రంలో కూడా ఒక ఐటెం సాంగ్‌ ను పెట్టబోతున్నాడు. మాస్‌ ఆడియన్స్‌ కోసం బన్నీ ఫ్యాన్స్‌ కోసం త్రివిక్రమ్‌ ఒక మాస్‌ మసాలా ఐటెం సాంగ్‌ ను ప్లాన్‌ చేస్తున్నట్లుగా తెలుస్తోంది. ఆ ఐటెం సాంగ్‌ ను స్టార్‌ హీరోయిన్‌ అయిన కాజల్‌ తో చేయిస్తే బాగుంటుందనే నిర్ణయానికి వచ్చారు.

ఒక వైపు హీరోయిన్‌ గా దూసుకు పోతూనే మరో వైపు ఐటెం సాంగ్స్‌ కూడా చేస్తూ వస్తున్న కాజల్‌ ఆ మద్య ఎన్టీఆర్‌ మూవీ 'జనతా గ్యారేజ్‌' లో పక్కా లోకల్‌ అంటూ చేసిన ఐటెం సాంగ్‌ ఒక ఊపు ఊపింది. ఇప్పుడు అలాగే ఒక మాస్‌ సాంగ్‌ కు కాజల్‌ తో స్టెప్పులు వేయించాలని త్రివిక్రమ్‌ భావించాడు. అందుకు అల్లు అర్జున్‌ కూడా ఆసక్తిగానే ఉన్నట్లుగా తెలుస్తోంది. 'ఆర్య 2' చిత్రం తర్వాత వీరిద్దరి కాంబోలో రాబోతున్న మూవీ ఇదే. ఈ చిత్రంలోని ఐటెం సాంగ్‌ ఏ స్థాయిలో ఆకట్టుకుంటుందో చూడాలి.