షాడో లీక్స్ : కేజీఎఫ్ డైరెక్ట‌ర్ తో బ‌న్ని ఫిక్స‌యిన‌ట్టే

అత‌డికి ఆత్మ‌లా అన్నీ తానే అయ్యి కెరీర్ సక్సెస్ లో కీల‌క వ్య‌క్తి చెబితే న‌మ్మాలా వ‌ద్దా? డౌట్ లేకుండా న‌మ్మేయొచ్చు. ఇప్పుడు అలాంటి షాడో మ్యాన్ ఇచ్చిన లీక్ బ‌న్ని అభిమానుల్లో వైర‌ల్ గా మారింది.

ఇంత‌కీ ఏమా లీక్ అంటే... కేజీఎఫ్ డైరెక్ట‌ర్ ప్ర‌శాంత్ నీల్ తో బ‌న్ని ఇప్ప‌టికే లాక్ అయ్యాడ‌న్న‌దే దాని సారాంశం. కేజీఎఫ్ బంప‌ర్ హిట్ కొట్టిన‌ప్పుడే బాస్ అల్లు అర‌వింద్ ప్ర‌శాంత్ నీల్ కి అభినంద‌న‌లు చెబుతూ బ‌న్నీ కోసం అత‌డిని లాక్ చేశార‌ట‌. అప్ప‌టి నుంచి ఇరువురి మ‌ధ్యా సంభాష‌ణ‌లు కొన‌సాగుతున్నాయి. ప్రాజెక్ట్ త‌ప్ప‌నిస‌రిగా ఉంటుంది. అయితే ప్ర‌శాంత్ నీల్ స్క్రిప్టును ఫైన‌ల్ చేయాల్సి ఉంటుంది.

ఈ విష‌యాన్ని లీకిచ్చింది బ‌న్ని వాసు కాబ‌ట్టి దీనిని వెంట‌నే న‌మ్మేయ‌వ‌చ్చు. నిజానికి కేజీఎఫ్ డైరెక్ట‌ర్ తో బ‌న్ని సినిమా అంటూ చాలా కాలంగా ప్ర‌చారం ఉన్నా .. తాజాగా చావు క‌బురు చ‌ల్ల‌గా ఇంట‌ర్వ్యూల్లో బ‌న్ని వాసు ఆ క్రేజీ ప్రాజెక్టు గురించి క్లారిటీ ఇచ్చేశారు కాబ‌ట్టి అధికారిక‌మే ఇక‌. బ‌న్ని ఆత్మ అయిన వాసు చెప్పారు కాబ‌ట్టి అభిమానుల్లో దానిపై ఆస‌క్తిక‌ర చ‌ర్చ మొద‌లైంది.

ఇక కేజీఎఫ్ డైరెక్ట‌ర్ తెర‌కెక్కించిన కేజీఎఫ్ 2 సక్సెస్ పై చాలా విష‌యాలు ఆధార‌ప‌డి ఉన్నాయి. ఇది స‌క్సెస‌వ్వ‌క‌పోయినా ప్ర‌భాస్ తో స‌లార్ పూర్త‌వుతుంది. ఆ త‌ర్వాత ఎన్టీఆర్ తో సినిమా కేజీఎఫ్ 2 స‌క్సెస్ పై ఆధార‌ప‌డి ఉంటుంది. త‌దుపరి బ‌న్ని లైన్ లోకి వ‌చ్చేప్ప‌టికి ఇంకా చాలా స‌మ‌య‌మే ప‌డుతుంది. అర‌వింద్ నుంచి అడ్వాన్స్ అందుకున్నారు కాబ‌ట్టి ప్ర‌శాంత్ నీల్ ఇప్ప‌టికి లాకైన‌ట్టే.