బన్నీ లుక్ ఫిక్స్ అయినట్టే

ఇవాళ ఎన్నికల ప్రచారంలో ఆఖరి రోజు కావడంతో పవన్ కళ్యాణ్ కు మద్దతుగా పాలకొల్లు వెళ్లిన అల్లు అర్జున్ స్టేజి మీద ప్రధాన ఆకర్షణగా నిలిచాడు. రాజమండ్రి ఎయిర్ పోర్ట్ కు చేరుకొని అటు నుంచి రోడ్డు మార్గం ద్వారా సభా స్థలికి వెళ్లిన బన్నీ అక్కడేమి మాట్లాడలేదు కానీ తన సపోర్ట్ పూర్తిగా జనసేనకు అనే మెసేజ్ అయితే ఇన్ డైరెక్ట్ గా ఇచ్చినట్టే.

వైసిపిలో తన స్నేహితుడికి ట్విట్టర్ లో విషెస్ చెప్పడం ద్వారా చిన్నపాటి ఇష్యూ అవుతుందేమో అన్న అనుమానం రేపిన బన్నీ సరిగ్గా తన పుట్టిన రోజు గడిచిన మరుసటి రోజే దీనికి సంబంధించి పూర్తి క్లారిటీ ఈ రూపంలో ఇచ్చేశాడు. తనకు మాట్లాడాలని ఉన్నా అక్కడ ఛాన్స్ లేదు. కారణం ప్రచారపు చివరి గంటలు కావడంతో పవన్ కు తప్ప ఇంకెవరు ఆ అవకాశం తీసుకోలేదు

ఈ నెల 24న త్రివిక్రమ్ సినిమా షూటింగ్ మొదలుకానున్న సంగతి తెలిసిందే. అందులో లుక్ ఎలా ఉంటుందో అన్న అనుమానం అభిమానుల్లో ఉండేది. నా పేరు సూర్య కోసం మిలిటరీ కటింగ్ కు వెళ్ళిన అల్లు అర్జున్ ఇప్పుడు పూర్తిగా జుట్టుని పెంచేసి ఒరిజినల్ లుక్ లోకి వచ్చేశాడు. ఇది పక్కాగా త్రివిక్రమ్ మూవీలోని లుక్కే అయ్యుంటుంది. ఫ్యాన్స్ కే కాదు ప్రేక్షకులను సైతం ఆకట్టుకునేలా ఉన్నాడు స్టైలిష్ స్టార్.

ఇప్పుడిది ఒక్క సినిమాకే పరిమితమవుతుందా లేక సుకుమార్ ప్రాజెక్ట్ కి మళ్ళి స్టైల్ మారుస్తాడా అనేది ఇంకా తెలియదు. మొన్న నవదీప్ సి స్పేస్ ఓపెనింగ్ - నిన్న పుట్టిన రోజు వేడుకలు-ఇవాళ జనసేన ప్రచార సభ మొత్తానికి పబ్లిక్ తో ఫుల్ టచ్ లోకి రావడం ద్వారా బన్నీ తన లుక్ ని బాగా అలవాటు చేసేశాడు