బన్నీ కూడా లీవ్ తీసుకున్నాడు

టాలీవుడ్ లో ప్రస్తుతం చాలా మంది హీరోలు షూటింగ్ లకు సెలవులు పెట్టేస్తున్నారు. సినిమా షూటింగ్ కి ఏ మాత్రం ఇబ్బంది కలగకూడదని ఒక వారం ముందే నిర్మాతలకు ఇంటిమేషన్ ఇస్తున్నారట. అందుకు కారణం ఏమిటో ప్రత్యేకంగా చెప్పనక్కర్లేదు. న్యూ ఇయర్ వస్తుండడంతో 2018 మొదటి రోజు క్షణాన్ని ఆనందంతో కేరింతలతో మొదలు పెట్టాలని ప్రతి ఒక్కరు ప్లాన్ చేసుకుంటున్నారు.

అయితే కొందరు విదేశాలకు వెళుతుంటే.. మరికొందరు ఇంట్లోనే కుటుంబ సభ్యులతో ఘనంగా సెలబ్రేషన్స్ చేసుకుంటున్నారు. ఇంకా కొంత మంది ఫ్రెండ్స్ తో స్పెషల్ ప్లాన్స్ వేసుకుంటున్నారు. ఇక స్టైలిష్ స్టార్ అల్లు అర్జున్ కూడా నాలుగు రోజులు సెలవు పెట్టి ఇండోనేషియాకు ప్లాన్ వేసుకున్నాడు. అక్కడ బాలి లో తన చిన్న ఫ్యామిలీతో న్యూ ఇయర్ ని సింపుల్ గా సెలబ్రేట్ చేసుకొని అనుకున్న టైమ్ కి ఇండియాకి వచ్చేస్తాడట.

ప్రస్తుతం అల్లు అర్జున్ నా పేరు సూర్య అనే సినిమాతో బిజీగా ఉన్న సంగతి తెలిసిందే. ఆర్మీ ఆఫీసర్ గా అందులో బన్నీ కనిపించబోతున్నాడు. రచయిత వక్కంత వంశీ ఆ సినిమాకు దర్శకత్వం వహిస్తున్నాడు. దాదాపు సినిమా షూటింగ్ పూర్తికావచ్చింది. మరికొన్ని రోజుల్లో ఫైనల్ షెడ్యూల్ ని పూర్తి చేసి పోస్ట్ ప్రొడక్షన్ పనులను మొదలుపెట్టనున్నారట. ఫైనల్ గా సినిమాను ఏప్రిల్ లో రిలీజ్ చేయడానికి నిర్మాతలు సన్నాహకాలు చేస్తున్నారు.