బన్ని.. సైలెంటుగా కొట్టుకొస్తున్నాడంతే

వరుసగా 50 కోట్ల క్లబ్‌ సినిమాల్లో నటిస్తున్నాడు బన్ని. రేసుగుర్రం, సన్నాఫ్‌ సత్యమూర్తి చిత్రాలు డబ్బుకు డబ్బు, పేరుకు పేరు తెచ్చాయి. రుద్రమదేవి రూపంలో మరో హిట్‌ చిత్రం తన ఖాతాలోకి వస్తుందని ఆశిస్తున్నాడు. సేమ్‌ టైమ్‌ చకచకా కొత్త ప్రాజెక్టులో నటిస్తూ స్పీడ్‌ పెంచేస్తున్నాడు. ప్రస్తుతం బోయపాటి శ్రీను దర్శకత్వంలో ఓ సినిమా చేస్తున్నాడు.

ఈ సినిమా షూటింగ్‌ సైలెంటుగా ముందుకు సాగిపోతోంది. ప్రస్తుతం హైదరాబాద్‌ పరిసరాల్లో గండిపేట ఇలాకాలో కీలకసన్నివేశాల్ని తెరకెక్కిస్తున్నారు. అయితే మరీ అంత హడావుడి చేయడం లేదు. ఇక్కడ చిత్రీకరణ సాగుతుండగానే రకూల్‌ ప్రీత్‌ సింగ్‌ ఎంట్రీ ఉంటుందని యూనిట్‌ చెబుతోంది. రకూల్‌ ప్రస్తుతం యూకే లో ఉంది. అక్కడ బాద్‌ షా ఎన్టీఆర్‌ సినిమాలో నటిస్తోంది. ఎన్టీఆర్‌ తో చిత్రీకరణ పూర్తి చేసుకుని సాధ్యమైనంత తొందర్లోనే బన్ని కోసం సెట్స్‌ కి వస్తుందట.

బోయపాటి మాస్‌ యాక్షన్‌ ఎంటర్‌ టైనర్‌ లు తెరకెక్కించడంలో స్పెషలిస్ట్‌. అయితే ఈసారి బోయపాటి మాసిజానికి బన్ని స్టయిల్‌ యాడైంది కాబట్టి ఓ స్టయిలిష్‌ మాస్‌ యాక్షన్‌ ఎంటర్‌ టైనర్‌ ని ఎక్స్‌ పెక్ట్‌ చేయొచ్చు. త్వరలోనే ఈ సినిమా ఫస్ట్‌ లుక్‌ టీజర్‌ అభిమానుల ముందుకు వస్తోందని తెలుస్తోంది.