వారం తేడాలో వస్తున్న సర్దార్, సరైనోడు

పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్ రిలీజ్ డేట్ ఏప్రిల్ 8.. అల్లు అర్జున్ సరైనోడు విడుదల తేది ఏప్రిల్ 22. మధ్యలో 2 వారాలు గ్యాప్ ఉంటే.. ఒక వారమే అంటారేంటీ అనుకోవచ్చు కానీ.. ఇక్కడ గ్యాప్ సంగతి సినిమా రిలీజ్ గురించి కాదు.. ఆడియో విడుదల ఫంక్షన్ గురించి ఈ డీటైల్స్.

వచ్చే నెలలో రిలీజ్ డేట్స్ ఫిక్స్ చేసుకున్న పవన్, బన్నీలు.. ఆడియో విడుదలకు ఈనెల్లోనే ముహూర్తం సెట్ చేసుకుంటున్నారు. ఇప్పటికే సర్దార్ గబ్బర్ సింగ్ ఆడియోను మార్చ్ 20న విడుదల చేయాలని నిర్ణయించేశారు కూడా. అమరావతిలో ఆడియా వేడుక చేస్తారనే ఓ టాక్ వచ్చింది కానీ.. పవన్ మాత్రం హైద్రాబాద్ లోనే నిర్వహించేందుకు మొగ్గు చూపుతున్నాడని తెలుస్తోంది. పవర్ స్టార్ నటించిన ఏ మూవీకీ చేయనంత భారీగా ఆడియో వేడుక జరిపేందుకు నిర్మాతలు సిద్ధమవుతున్నారు.

మరోవైపు బన్నీ కూడా మార్చ్ లోనే ఆడియో రిలీజ్ ఫంక్షన్ చేసేయనున్నాడట. ఇంకా డేట్ ఫైనల్ చేయకపోయినా.. మార్చ్ 27 నుంచి 31 మధ్యలో ఏదో ఒక రోజును ఫిక్స్ చేయనున్నారు. అంటే.. మెగా ఫ్యాన్స్ కి ఈ నెల 20 నుంచి గ్యాప్ లేకుండా వరుసగా పండుగలే అని ఫిక్స్ అయిపోవచ్చు.