బన్నీ పాన్ ఇండియా టాక్ షో?

టాలీవుడ్ ఇండస్ట్రీలో ఇప్పుడు అగ్ర హీరోలు కేవలం వెండితెరపై మాత్రమే కాకుండా బుల్లితెరపై కూడా ఆకట్టుకునేందుకు ఎంతగానో ప్రయత్నాలు చేస్తున్నారు. ఇదివరకే మెగాస్టార్ చిరంజీవి నాని రానా దగ్గుపాటి అలాగే అక్కినేని నాగార్జున వివిధ రకాల షోలతో మెప్పించారు. ఇక ఇప్పుడు బాలకృష్ణ టైం నడుస్తోందనే చెప్పాలి. అన్ స్టాపబుల్ షో పేరుకు తగ్గట్టుగానే శరవేగంగా ప్రేక్షకుల మనసులను గెలుచుకుంటుంది.

ఒక విధంగా ఇలాంటి షో రావడానికి ప్రధానం కారణం అల్లు అరవింద్ ఆలోచన విధానం అనే చెప్పాలి. ప్రత్యేకంగా బాలయ్యను ఒప్పించడం వల్లనే ఆహా ఈ రేంజ్ కూడా పెరిగింది. అయితే ఇప్పుడు ఆహా స్థాయిని కూడా మరొక లెవెల్ కు పెంచాలని అనుకుంటున్నారు. ఇప్పటికే తమిళంలో కూడా ఈ ఓటీటీ ప్లాట్ ఫామ్ కు మంచి గుర్తింపు లభిస్తుంది. అయితే అక్కడివారిని కూడా ఆకట్టుకునే విధంగా అగ్ర హీరోలతో మరిన్ని టాక్ షోలను స్టార్ట్ చేయాలని అనుకుంటున్నారు.

అయితే అల్లు అర్జున్తో కూడా ఒక ఓటీటీ టాక్ షో ప్లాన్ చేయబోతున్నట్లుగా ఇటీవల టాక్ అయితే వినిపించింది. పాన్ ఇండియా హీరోగా మారిపోయిన అల్లు అర్జున్ తో ఫ్యాన్ ఇండియా తరహాలోనే ఓటీటీ టాక్ షోను తీసుకురావాలి అని అనుకుంటున్నారట. ఆహా క్రియేటివ్ డిపార్ట్మెంట్ ఈ విషయాన్ని ఒక ఐడియాతో ఇదివరకే అల్లు అరవింద్ తో కొన్నిసార్లు చర్చించినట్లుగా తెలుస్తోంది.

అయితే అందుకు మాత్రం ఆయన ఇంకా గ్రీన్ సిగ్నల్ ఇవ్వలేదని సమాచారం. ప్రస్తుతం బాలకృష్ణ షో సక్సెస్ ఫుల్ కొనసాగుతోంది కాబట్టే పోటీగా అలాంటి రిస్కులు తీసుకోకూడదు అని ఫిక్స్ అయ్యారట. ముందుగా అన్ స్టానబుల్ సెకండ్ సీజన్ పూర్తయిన తర్వాత ఆ విషయం గురించి ఆలోచిద్దామని కూడా ఆయన చెప్పినట్లుగా తెలుస్తోంది.

ఒకవేళ అల్లు అరవింద్ గ్రీన్ సిగ్నల్ ఇస్తే అల్లు అర్జున్ పుష్ప కంటే ముందే టాక్ షోతో వచ్చే అవకాశం ఉంది. అలా అల్లు అర్జున్ చేస్తే ఒక విధంగా పుష్పా 2కి కూడా హెల్ప్ అవుతుంది. మరి ఈ ప్లాన్ ఎంతవరకు సక్సెస్ అవుతుందో కాలమే సమాధానం చెప్పాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.