బన్నీ కసి తీర్చేసుకున్నాడు..

టాలీవుడ్ లో స్టార్ హీరోస్ అనే బిరుదు చాలా మందికి ఉంది. అంతే కాకుండా మంచి మార్కెట్ కూడా ఉంది. అయితే అసలైన నట విశ్వరూపం అనేది మాత్రం అందరిలో ఉంది అంటే పొరపాటే. ఒక పాత్రకు తగ్గట్టు అన్ని కోణాల్లో నటుడు మెప్పిస్తేనే పర్ఫెక్ట్ నటుడు అని చెప్పవచ్చు. ఇప్పుడు ఎవరికీ తగ్గ పత్రాలు వారు చేస్తున్నారు అనుకోండి అది వేరే విషయం. కానీ ఒక వినూత్న పాత్ర దక్కితే.. దాని మీద మోజు పెంచుకొని కష్టపడే నటులు చాలా తక్కువ మంది ఉంటారు.

మొన్నటి వరకు కోలీవుడ్ లోనే అలాంటి నటులు ఉన్నారని టాక్ ఎక్కువగా వినిపించేది. కానీ రీసెంట్ గా అల్లు అర్జున్ నా పేరు సూర్య ఫస్ట్ ఇంపాక్ట్ చూశాకా టాలీవుడ్ లో కూడా క్యారెక్టర్ పై కసిగా పగ తీర్చుకునే నటుడు ఒకడున్నాడురా అని అనిపిస్తోంది. మొదటి అడుగులోనే వక్కంతం వంశీ తన కలం కదలికలను గట్టిగా చూపించేశాడు. ఒక ఆర్మీ సోల్జర్ ఎలా ఉంటాడో అలాగే పట్టరాని ఆవేశం వస్తే ఎలా ఉంటుందో కళ్లకు కట్టినట్లు బన్నీ చూపించేశాడు. ఫస్ట్ ఇంపాక్ట్ తెలుగు ప్రేక్షకులకే కాకుండా ఇతర బాషల వారికీ కూడా గుండెల్లో గట్టిగా తగిలేసింది. మాస్ పరిబాషలో చెప్పాలంటే క్యారెక్టర్ ని బన్నీ పిప్పి తీసి పిండిచేసి పీల్చేశాడు.. అని ఓ వర్గం అభిమానులు వారి స్టైల్ లో చెప్పకుండా ఉండలేకపోతున్నారు.

కళ్లల్లో ఆ కోపం కష్టపడిన తత్వం చూస్తుంటే అతని క్యారెక్టర్ మీద డెడికేషన్ ఏ విధంగా ఉందొ అర్ధం చేసుకోవచ్చు. ప్రస్తుతం టాలీవుడ్ లో ఈ తరహాలో ఎన్నడు అలాంటి సినిమా రాలేదని చెప్పవచ్చు. ఒక మాట చెప్పాలంటే. మొన్నటి వరకు బన్నీని కోపంగా చూసిన ఓ వర్గం వారు అతని నటనకు హ్యాట్సాఫ్ చెబుతున్నారు. మొన్నటివరకు విక్రమ్ అండ్ సూర్య వంటి నటులే ఇలా చేస్తారని నమ్మకం ఉండేది. అయితే ఆ గ్యాంగులో తెలుగు హీరోలు కూడా చేరడం ఇప్పుడు మనోళ్లకి ఆనందాన్ని కలిగిస్తోంది. మరి బన్నీని ఫాలో అవుతూ ఇంకా ఎంతమంది వస్తారో చూడాలి.