వెంకటేష్ తరహాలో బన్నీ పాత్ర?

ఏడాది గ్యాప్ తీసుకున్న అల్లు అర్జున్ మొత్తానికి మూడు సినిమాలకు జెండా ఊపేసి అభిమానులకు రిలీఫ్ ఇచ్చేశాడు. ప్రస్తుతానికి త్రివిక్రమ్ ది రెగ్యులర్ సెట్స్ పైకి వెళ్ళిపోతుంది. ఆ తర్వాత వేణు శ్రీరామ్ దర్శకత్వంలో ఐకాన్ కు రంగం రెడీగా ఉంది - దీని గురించి అప్పుడే రకరకాల ప్రచారాలు మొదలైపోయాయి. తాజాగా అందిన కీలకమైన అప్ డేట్ ఏంటంటే ఇందులో బన్నీ సిన్సియర్ పోలీస్ ఆఫీసర్ గా కనిపించబోతున్నాడట.

ఒక మాటలో చెప్పాలంటే ఘర్షణలో వెంకటేష్ చేసిన డిసిపి రామచంద్ర టైపులో ఉంటుందట. అల్లు అర్జున్ ఇప్పటిదాకా ఇలాంటి పాత్ర చేయలేదు. రేసు గుర్రంలో ఖాకీ దుస్తులు వేశాడు కానీ అది సరదాగా రాసిన ట్రాక్ కోసం తప్ప కథ ప్రకారం నిజమైన పోలీసు కాడు. కానీ ఐకాన్ లో మాత్రం అవుట్ అండ్ అవుట్ రౌడీల భరతం పట్టే ఆఫీసర్ గా చాలా ఫెరోషియస్ గా ఉంటుందట

ఇందులో నిజామెంతుందో తేలడానికి టైం పడుతుంది. ఎందుకంటే వేణు శ్రీరామ్ దగ్గర స్క్రిప్ట్ సిద్ధంగా ఉన్నప్పటికీ దానికి సంబంధించిన విశేషాలు ఇటు ఈయన కానీ అటు నిర్మాత దిల్ రాజు చెప్పే ఉద్దేశంలో లేరు. నిన్న దీని గురించే ఓ ఫిలిప్పైన్ మూవీ కాపీ అని టాక్ వచ్చింది. ఇంత లోపు ఇప్పుడీ అప్ డేట్.

గత ఏడాది నా పేరు సూర్య ఇలాగే ఆగ్రహంతో ఊగిపోయే ఆర్మీ ఆఫీసర్ పాత్ర చేసి షాక్ తిన్న బన్నీ మళ్ళి అదే సాహసం చేస్తాడా అనేది అనుమానంగానే ఉంది. సైలెంట్ గా ఉన్నన్ని రోజులు ఏమి వినిపించలేదు కానీ ఒక్కసారిగా ఇప్పుడీ వార్తలు స్టైలిష్ స్టార్ ఫాన్స్ ని ఉక్కిరిబిక్కిరి చేస్తున్నాయి