ఫ్యాన్స్ తో పోజు.. వైరల్ అయిన బన్నీ ఫోటో

స్టైలిష్ స్టార్ అల్లు అర్జున్ ఫ్యాన్ ఫాలోయింగ్ గురించి అందరికీ తెలిసిందే. అల్లు అర్జున్ స్టైల్ కు..యాక్టింగ్ కు ఫిదా కాని వారు ఎవరుంటారు? స్టైల్.. యాక్టింగ్.. డ్యాన్సులు మాత్రమే కాదు.. బన్నీకి మంచి మనసు కూడా ఉందని పలు సందర్భాలలో నిరూపిస్తూనే ఉన్నాడు. ఈరోజు మరోసారి తనది మంచి మనసని ప్రూవ్ చేశాడు.

ఈరోజు బన్నీ కొత్త సినిమా ఓపెనింగ్ జరిగింది. త్రివిక్రమ్ శ్రీనివాస్ దర్శకత్వంలో తెరకెక్కనున్న ఈ సినిమాకు ఇంకా టైటిల్ ఫిక్స్ చేయలేదు. ఈ సినిమా పూజా కార్యక్రమానికి కార్లో వెళ్తుండగా ఇద్దరు అభిమానులు బన్నీకి చేయి ఊపుతూ ఒక ఫోటో కావాలని సైగ చేశారు. కదులుతున్న కారులో కూర్చుని ఉన్న బన్నీ వెంటనే కారును ఆపమని చెప్పాడు. కారు దిగి వారి దగ్గరకు వెళ్ళాడు. అభిమానులు ఇద్దరూ పొట్టిగా ఉండడంతో కిందకు ఒంగి కూర్చుని వారిపై చేతులు వేసి నవ్వుతూ పోజిచ్చాడు. ఈ ఫోటో ఇప్పుడు సోషల్ మీడియాలో వైరల్ అయిపోయింది. స్టైలిష్ స్టార్ ఫ్యాన్స్ ఈ ఫోటోకు సోషల్ మీడియాలో మంచి కామెంట్స్ పెడుతున్నారు. బన్నీ ఇలా ఫ్యాన్స్ కు సర్ ప్రైజ్ ఇవ్వడం మొదటిసారేమీ కాదు. అనారోగ్యంతో బాధపడే తన ఫ్యాన్స్ ను గతంలో స్వయంగా వెళ్లి మరీ కలిసిన విషయం తెలిసిందే.

బన్నీ సినిమా విషయానికి వస్తే ఏడాది కాలంగా షూటింగులకు దూరంగా ఉన్న బన్నీ ఇప్పుడు మళ్ళీ మూడు సినిమాలను లైన్లో పెట్టాడు. ఆ మూడు ప్రాజెక్టులలో మొదటగా త్రివిక్రమ్ సినిమా లాంచ్ అయింది. ఈ సినిమా కోసం మళ్ళీ ఫిట్ గా తయారయ్యాడు. హెయిర్ స్టైల్ కూడా మార్చిన బన్నీ కొత్తలుక్ లో కనిపిస్తున్నాడు