బన్నీకి ఆ సీన్‌ ఎక్కలేదటగా...

స్టయిలిష్‌ స్టార్‌ అల్లు అర్జున్‌ ఇప్పుడు పిచ్చ హ్యాపీగా ఉన్నాడు. ఎందుకంటే ''సరైనోడు'' సినిమా విడుదలైన 17 రోజుల్లో 100 కోట్ల గ్రాస్‌.. తద్వారా 63.5 కోట్లు షుమార్‌ షేర్‌ సాధించింది. బన్నీ కెరియర్‌ లోనే ఇది బిగ్గెస్టు మార్కు. అయితే ఈ సినిమా గురించి మరిన్ని వివరాలు పంచుకుంటూ.. బన్నీ డైరక్టర్‌ ను ఎంతగా నమ్మాడో చెప్పుకొచ్చాడు.

''శ్రీను గారు ఇంటర్వెల్‌ బ్యాంగ్‌ చాలా అద్భుతంగా తీశారు. ఎమోషన్‌ ఒక పీక్‌ కు వెళ్ళిపోయింది. కాని ఇంటర్వెల్‌ ఆ రేంజులో ఉన్నప్పుడు.. మరి క్లయ్‌ మ్యాక్స్ ఆ రేంజులో పండకపోతే కష్టం. కాని ఇక్కడ అనుకున్న క్లయ్‌ మ్యాక్స్‌ అంత రీచ్‌ అవుతుందా అనేది నా సందేహం. శ్రీను గారు ఏం చేద్దాం సార్‌ అని ఆయన్ను అడిగితే.. బాబూ నన్ను నమ్మండి అంటూ నాతో చేయించేశారు. కాని ఆయన నమ్మకం అద్భుతం అని అర్దమైంది సినిమా చూశాక. నా కెరియర్‌ లోనే బిగ్గెస్ట్‌ హిట్టిచ్చారాయన. మా నాన్న గారితో కలసి ఒక బ్లాక్‌ బస్టర్‌ కొట్టే ఛాన్సిచ్చారు'' అంటూ చెప్పుకొచ్చాడు.

సో.. అస్తమానం తాము అనుకున్నదే కాకుండా.. అప్పుడప్పుడూ దర్శకులు చెప్పేది కూడా నమ్మితేనే స్టార్‌ హీరోలకు హిట్లు వస్తాయి. అంతేగా బన్నీ బాబూ??