చిట్టిబాబు గురించి బన్నీ ఓపెన్ అయ్యాడు

రంగస్థలం ఇంతటి భారీ విజయాన్ని సొంతం చేసుకున్నా వారు వీరు అని తేడా లేకుండా అందరూ ప్రశంశలు కురిపిస్తున్నా చరణ్ అంటే అభిమానం చూపించే అల్లు అర్జున్ మాత్రం ఇంకా ఎందుకు సైలెంట్ గా ఉన్నాడా అనే దానికి చెక్ పెట్టేసాడు స్టైలిష్ స్టార్. అందరు ఆశించినట్టు ట్విట్టర్ లో కాకుండా ఒక మీడియా ఛానల్ కు ఇచ్చిన ఇంటర్వ్యూలో రంగస్థలం గురించి చెప్పేసాడు. ఈ సినిమా చూశానని చూడగానే రామ్ చరణ్ సుకుమార్ దేవి శ్రీ ప్రసాద్ లతో మాట్లాడాడట. రా సినిమాలు తమిళ్ లో మాత్రమే ఆడతాయనే వాదనను తానెప్పుడు ఖండించేవాడినని ఇప్పుడు రంగస్థలం ద్వారా తనే గెలిచానని ఆనందం వ్యక్తం చేసాడు. తీసే విధంగా తీస్తే హిట్ కొట్టవచ్చని రంగస్థలం రుజువు చేసిందని చెప్పుకొచ్చాడు. మగధీర, ధృవ తర్వాత వాటిని మించిన చరణ్ టెర్రిఫిక్ పెర్ఫార్మన్స్ ఇందులోనే చూశానని కితాబు కూడా ఇచ్చేసాడు.

ఒకవేళ చిట్టిబాబు పాత్ర కనక తనకు ఇస్తే చరణ్ అంత బాగా చేయలేనని ఒప్పేసుకున్నాడు బన్నీ. కొన్ని పాత్రలు కొందరు హీరోలకే సూట్ అవుతాయని ఏ హీరో చేసినా చరణ్ అంత బాగా అయితే చేయలేరని చెప్పి అల్లు అర్జున్ తన అభిప్రాయాన్ని సూటిగా చెప్పేసాడు. చరణ్ బాగా చేసాడు అనే వేల్యూ షాకింగ్ అని ఆది అందరు అందుకోవడం ఈజీ కాదన్న బన్నీ స్టార్ హీరోలు ప్రయోగాలు సరైన పద్ధతిలో చేస్తే గొప్ప విజయాలు దక్కుతాయని రంగస్థలం ప్రూవ్ చేసి తన లాంటి హీరోలకు ఒక గైడ్ లా మారిందని కూడా చెప్పాడు. అల్లు అర్జున్ ఈ సినిమా గురించి ఎప్పుడు కామెంట్ చేస్తాడా అని సోషల్ మీడియా కాచుకుని ఉన్న మెగా ఫాన్స్ కు ట్విస్ట్ ఇస్తూ డైరెక్ట్ ఇంటర్వ్యూ లో రంగస్థలం గురించి ఓపెన్ అయిపోయాడు బన్నీ.

కొడుకు అయాన్ కు రోజు లేవగానే రంగస్థలం పాటలే పెట్టాలని అలా చేయకపోతే వాడు చేసే అల్లరి మామూలుగా ఉండదని అంతలా దాని ప్రభావం తన ఫ్యామిలీ మీద కూడా ఉందన్న అల్లు అర్జున్ ఫైనల్ గా దీని ద్వారా చిట్టిబాబు మీద తన ప్రేమను బహిర్గతపరిచాడు. అల్లు శిరీష్ రంగస్థలం విడుదలైన మూడో రోజే ట్విట్టర్ ద్వారా తన అభిప్రాయం చెప్పగా కొద్ది రోజులు ఆలస్యంగా నా పేరు సూర్య కార్యక్రమాలు పూర్తి చేసుకుని బన్నీ తన ఒపీనియన్ చెప్పాడు.