బ్రాహ్మిన్ బన్నీ అవి కూడా చేస్తాడా!!

డీజే.. డీజే.. అంటూ అల్లు అర్జున్ ఎక్కడ కనిపించినా ఫ్యాన్స్ కేకలు పెడుతున్నారంటే.. ఆ మూవీపై ఉన్న అంచనాలు.. బన్నీపై ఉన్న క్రేజ్ అర్ధమవుతుంది. ఇప్పటికే దువ్వాడ జగన్నాధం టీజర్ తో.. ఫాస్టెస్ట్ 10 మిలియన్ వ్యూస్.. హైయెస్ట్ వ్యూస్ రికార్డుల విషయంలో పవన్ కాటమరాయుడుని కూడా దాటేశాడు అల్లు అర్జున్.

'అలా అలా ముద్దులు పెట్టేసి సభ్య సమాజానికి ఏం మెసేజ్ ఇద్దామని' అంటూ బ్రాహ్మిన్ గెటప్ లో బన్నీ చెప్పిన ఒకే ఒక డైలాగ్ సూపర్బ్ గా పేలింది. ఇలాంటి కామెడీ హంగామా చాలానే చేయనున్నాడు అల్లు అర్జున్. అయితే.. సినిమాలో ఇలా సైలెంట్ గా కనిపించినా.. బన్నీ రోల్ వెనక ఓ వయొలెంట్ యాంగిల్ కూడా ఉంటుందని చెబుతున్నారు. అగ్రహారంలో ఉంటూనే అల్లు అర్జున్ ఓ కాంట్రాక్ట్ కిల్లర్ గా వ్యవహరిస్తాడని.. దీని వెనక ఓ స్ట్రాంగ్ రీజన్.. పవర్ ఫుల్ ఎపిసోడ్ బేస్ గా ఉంటుందని తెలుస్తోంది.

బ్రాహ్మిన్ పాత్ర అనగానే ఎన్టీఆర్ అదుర్స్ లో చేసిన చారి పాత్రతో పోల్చారు చాలామంది. ఇప్పుడు కాంట్రాక్ట్ కిల్లర్ అనగానే.. మహేష్ బాబు అతడులో పోషించిన నందు పాత్ర గుర్తుకు తెచ్చుకుంటున్నారు. టాలీవుడ్ లో సెన్సేషన్స్ క్రియేట్ చేసిన రెండు సూపర్బ్ రోల్స్ ను.. హరీష్ శంకర్ చాలా జాగ్రత్తగా మిక్స్ చేసి డీజే కేరక్టర్ సృష్టించాడనే టాక్ మాత్రం గట్టిగానే వినిపిస్తోంది.

Like Us on Facebook : https://www.facebook.com/Tupakidotcom/