బన్నీ పోలీసా? క్లూ దొరికింది

సరైనోడు ఫస్ట్ లుక్ రిలీజ్ అయింది. రఫ్ లుక్ తో అల్లు అర్జున్ అదరగొడుతున్నాడు. బోయపాటి మార్క్ హీరోగానే ఇరగదీసేట్లున్నాడు. అయితే.. ఇప్పటివరకూ రివీల్ కాని విషయం ఒకటి ఏంటంటే.. ఇందులో బన్నీ చేయబోతున్న పాత్ర ఏంటి? ఇప్పుడు చాలా సినిమాల్లో హీరో రోల్ ఏంటో ముందే చెప్పేస్తున్నారు. థియేటర్లకి ప్రేక్షకులు కరెక్ట్ ఎక్స్ పెక్టేషన్స్ తో తీసుకు రావడం దీని ఉద్దేశ్యం.

అయితే సరైనోడు విషయంలో మాత్రం ఇది జరగడం లేదు. మూవీ ఫస్ట్ లుక్ వచ్చేసినా, మరి కొన్ని వారాల్లో ఆడియో రిలీజ్ చేయబోతున్నా సరే.. హీరో కేరక్టర్ ని మాత్రం రివీల్ చేయడం లేదు. లీడ్ హీరోయిన్ రకుల్ ప్రీత్ సింగ్ పల్లెటూరి అమ్మాయి పాత్ర చేస్తున్నానని చెప్పింది. మరో హీరోయిన్ కేథరిన్ థెరెసా అయితే ఎమ్మెల్యే నటిస్తోంది. మరి సరైనోడు ఏం చేయబోతున్నాడు. ఏ రోల్ లో ఫ్యాన్స్ ని అలరించబోతున్నాడనే ప్రశ్నకు.. ఇప్పుడో క్లూ దొరికింది.

సరైనోడు మూవీ ఫస్ట్ లుక్ లో టైటిల్ లోగోని జాగ్రత్తగా చూస్తే.. అందులో వెనుక స్టార్స్ కనిపిస్తాయి. అవి పోలీస్, ఆర్మీ వాళ్లు మాత్రమే ధరిస్తారనే విషయం అందరికీ తెలుసు. అంటే ఈ సినిమాలో దాదాపుగా ఎమ్మెల్యేని ప్రొటెక్ట్ చేసే కాప్ రోల్ లో బన్నీ కనిపిస్తున్నాడని అనుకోవచ్చు. బన్నీ కాసేపు పోలీస్ గెటప్ వేస్తేనే, రేసుగుర్రం రెచ్చిపోయి ఆడేసింది. మరి ఫుల్ లెంగ్త్ పోలీస్ పాత్ర అంటే.. ఇక రికార్డులన్నీ సరైనోడివే అవుతాయేమో