ఆమెకు అంగరక్షకుడిగా బన్నీ బాబు

స్టైలిష్ స్టార్ అల్లు అర్జున్ బన్నీ సినిమా తరువాత పక్కా మాస్ రోల్ చెయ్యలేదు. పగలు - ప్రతీకారాలకు దూరంగా వుంటూ జస్ట్ యాక్షన్ ఎంటర్ టైనర్ లలోనే బన్నీ అలరించాడు. అయితే ఇప్పుడు బోయపాటి దర్శకత్వంలో బన్నీ నటిస్తుండడంతో మరో పవర్ ఫుల్ రోల్ ని అభిమానులు ఆశిస్తున్నారు.

అయితే బన్నీ ఈ సినిమాలో పోలీస్ ఆఫీసర్ పాత్రలో కనిపించనున్నట్టు ఇప్పటికే స్పష్టమయ్యింది. రేస్ గుర్రంలో క్లైమాక్స్ లో పోలీస్ గా చేసిన అల్లరి గుర్తుండేవుంటుంది. ఇప్పుడు సినిమా ఆద్యంతం పోలీస్ గా కనువిందు చేయనున్నాడు. ఇక సినిమాలో హీరోయిన్ గా కనిపించనున్న కేథరీన్ ఎం.ఎల్.ఏ పాత్ర పోషిస్తుందట. ఈ అమ్మడికి బాడీగార్డ్ గా అల్లు అర్జున్ కనిపించనున్నట్టు సమాచారం.

ఈ సినిమాలో మరో హీరోయిన్ రకుల్ ప్రీత్ సింగ్ ని బన్నీ ప్రేమ పాటలు పాడనున్నట్టు తెలుస్తుంది. మరో హీరోయిన్ దిశా పటానీతో ఒక స్పెషల్ సాంగ్ తో చిందేయనున్నాడు. మరిన్ని వివరాలు త్వరలోనే వెల్లడయ్యే అవకాశం వుంది.