బన్నీలో ఆ యాంగిల్ కూడా

అల్లు అర్జున్ కొత్త సినిమా డీజే-దువ్వాడ జగన్నాధం షూటింగ్ చివరి దశకు చేరుకున్న సంగతి తెలిసిందే. ఈ మూవీ స్టోరీపై ఇప్పటికే బోలెడన్ని అంచనాలు.. బన్నీ కేరక్టర్ పై అనేక రకాల మాటలు వినిపిస్తూనే ఉన్నాయి. ఉగాది పండుగ సందర్భంగా రిలీజ్ చేసిన షూటింగ్ స్పాట్ పిక్చర్స్ లో.. బన్నీ ఏ రేంజ్ లో ఎంజాయ్ చేస్తున్నాడో చూపించారు కూడా.

అయితే.. బన్నీ నవ్వుతున్నాడు కదా అని.. ఇది పూర్తిగా కామెడీ మూవీ అనుకోవడానికి లేదు. ఒకవైపు నవ్వులు పంచుతున్న అల్లు అర్జున్ తో పాటు.. ఈ పాత్రలో మరోకోణం ఉంటుందనే మాట ముందు నుంచి వినిపిస్తూనే ఉంది. ప్రతీ సిట్యుయేషన్ లోనూ ఫన్నీగా ఉంటూనే.. ఎక్కడ ఏ అన్యాయం జరిగినా సైలెంట్ రియాక్ట్ అయి పని కానిచ్చేసే యాంగ్రీ యాక్షన్ ఎపిసోడ్స్ కూడా ఉంటాయని తెలుస్తోంది. తన చిన్నతనంలో జరిగిన ఓ సంఘటన కారణంగా.. ఇలా మారిపోయే ఈ పాత్ర.. ఓ పోలీస్ అధికారికి హెల్ప్ చేసేలా సాగుతుందట.

ఇటు అగ్రహారంలో అండర్ కవర్ లో ఉంటూనే.. అటు పోలీసాఫీసర్ కి సాయం చేయడం.. మరోవైపు అన్యాయం చేసినోళ్ల భరతం పట్టడం.. ఇలా సాగుతుందట బన్నీ రోల్. ఇప్పటికైతే ఇవన్నీ గాసిప్ లు మాత్రమే అయినా.. డీజే గురించిన ప్రతీ అప్ డేట్ తెగ ఇంట్రెస్టింగ్ గా ఉంటోంది.

Like Us on Facebook : https://www.facebook.com/Tupakidotcom/