సరైనోడు లీక్ సాంగ్ వాడితే చర్యలు

రీసెంట్ గా పవన్ స్టార్ పవన్ కళ్యాణ్ మూవీ సర్దార్ కి సంబంధించి, ఎడిటింగ్ టేబుల్ పై నుంచి తీసిన పిక్చర్ లీకేజీ గొడవ ఇంకా తేలకుండానే... స్టైలిష్ స్టార్ అల్లు అర్జున్- మాస్ చిత్రాల దర్శకుడు బోయపాటి శ్రీను కాంబినేషన్ లో వస్తున్న సరైనోడు మూవీని పైరసీ కాటేస్తోంది. ఇప్పటికే ఈ సినిమాకి సంబంధించిన ఆడియో సాంగ్ ఒకటి ఇంటర్నెట్ లో హల్ చల్ చేస్తోంది. ఎన్నో జాగ్రత్తలు తీసుకుంటూ కార్యక్రమాలు పూర్తి చేసిన, ఒక ఫుల్ సాంగ్ లీక్ అయిపోయింది.

ఇలా లీక్ అయిన ఆడియో సాంగ్ ను ఎవరు ఎక్కడ ఏ రకంగా ఉపయోగించినా చట్టరీత్యా చర్యలు తీసుకుంటామని యూనిట్ హెచ్చరికలు జారీ చేశారు. ఇప్పటికే దీనికి సంబంధించి సైబరాబాద్ పోలీసులకు కంప్లెయింట్ కూడా ఇవ్వగా, దర్యాప్తు కూడా మొదలైపోయింది. తాము కోట్లు ఖర్చు చేసి ప్రేక్షకులను ఎంటర్ టెయిన్ చేసేందుకు సినిమాలను నిర్మిస్తున్నామని, పైరసీని ప్రోత్సహించడం, ఉపయోగించడం రెండూ నేరమే అంటూ.. లీక్ కంటెంట్ ని ఉపయోగిస్తే, చట్ట రీత్యా చర్యలు తప్పవన్నారు.

ప్రస్తుతం సరైనోడు యూనిట్ దక్షిణ అమెరికాలోని బొలీవియాలో షూటింగ్ చేస్తున్నారు. ఇక్కడ పాటల షూటింగ్ కోసం బన్నీ - రకుల్ సహా ప్రధాన యూనిట్ అంతా వెళ్లారు. కేథరిన్ థ్రెసా మరో హీరోయిన్ గా నటించగా, అంజలి స్పెషల్ సాంగ్ లో నటించింది. ఏప్రిల్ 22న విడుదల కానున్న సరైనోడు మూవీకి.. త్వరలో ఆడియో ఫంక్షన్ నిర్వహించేందుకు ఏర్పాట్లు జరుగుతున్నాయి.