ఈనెల 12తో ‘సరైనోడు’ఫినిష్

అల్లు అర్జున్ ఫుల్ ఎనర్జీ లెవల్స్ మాస్ ప్రేక్షకులకు చూపించడానికి బోయపాటి ఓ హై ఓల్టేజ్ యాక్షన్ లవ్ స్టోరీ మూవీని తెరకెక్కిస్తున్నాడు. ఈ సినిమా ప్రీ లుక్ మొదలుకొని... ఫస్ట్ లుక్ - టీజర్ దాకా బన్ని కటౌట్ కి అభిమానుల నుంచి మంచి మార్కులే పడ్డాయి. టీజర్ లో రౌడీలను ఎత్తి కుదేసే యాక్షన్ సీన్ చూసి... ఇందులో ఇలాంటి మాస్ సీన్లు ఇంకా చాలానే ఉన్నాయని భావిస్తున్నారు అభిమానులు. సాధారణంగా సినిమా షూటింగ్ పూర్తయిన తరువాత పోస్ట్ ప్రొడక్షన్ కార్యక్రమాలు జరుగుతాయి. కానీ ‘సరైనోడు’ విషయంలో మాత్రం అలా కాకుండా... ఇంకా ఓ పాట షూటింగ్ మొత్తం ఉండగానే ప్రీ ప్రొడక్షన్ పనులన్నీ కంప్లీట్ అయిపోయాయి.

ఇప్పటికే డబ్బింగ్ - సీజీ వర్క్ తో సహా మొత్తం సినిమా కంప్లీట్ అయిందట. కేవలం ఒక్క పాట మాత్రమే బ్యాలెన్స్ వుండటంతో... దాని షూటింగ్ కోసం ఇప్పుడు బొలివియాలో ఈనెల 12 వరకు షూటింగ్ జరిపేసి ఇండియాకు తిరిగి రానున్నారు. దాంతో సినిమా మొత్తం ఫినిష్ అయినట్టవుతుందని చెబుతున్నారు. అన్నీ కుదిరితే ఏప్రిల్ 8నే సినిమాను రిలీజ్ అవుతుంది. లేకుండా ఏప్రిల్ 22న కన్ ఫర్మ్. సర్దార్ గబ్బర్ సింగ్ విడుదల డేటుపైనే ఈ సినిమా విడుదల తేదీ ఆధారపడి వుంది. అల్లు అరవింద్ ఎంతో ప్రతిష్టాత్మకంగా తీసుకుని ఈ సినిమాను బన్ని అభిమానుల అంచనాలకు ఏమాత్రం తగ్గకుండా తెరకెక్కిస్తున్నాడు.