బన్నీ అలా పడేశాడంతే

అభిమానులను ఆకట్టుకోవడంలో ఒక్కొక్క హీరోకు ఒక్కో స్టైల్ ఉంటుంది. తమ హీరోను ఒక్కసారి అయినా కలుసుకోవాలని.. కలిసి ఫోటో దిగాలని ఫ్యాన్స్ ఆశించడం సహజం. కానీ అవతల హీరో నుంచి ఊహించని స్థాయి రియాక్షన్ వస్తే మాత్రం ఆశ్చర్యపోవాల్సిందే. రీసెంట్ గా అల్లు అర్జున్ కొత్త బిజినెస్ స్టార్ట్ చేశాడు.

అమెరికాలో బఫెలో వైల్డ్ వింగ్స్ గా ప్రఖ్యాతి గాంచిన వ్యాపారాన్ని బీ-డబ్స్ పేరుతో ఇండియాలో మొదటి ఫ్రాంచైజీ ప్రారంభించాడు బన్నీ. ఈ వ్యాపారంలో ఇన్వెస్టర్ మాత్రమే కాదు.. పార్ట్నర్ కూడా అని అఫీషియల్ అనౌన్స్ మెంట్ ఇచ్చి.. లాంఛింగ్ ఈవెంట్ కు అటెండ్ అవుతున్నట్లు ముందే చెప్పాడు అల్లు అర్జున్. దీంతో బన్నీని కలిసేందుకు అనేకమంది అభిమానులు ఆ స్పోర్ట్స్ దగ్గరకు చేరిపోయారు. కొంతసేపు వెయిట్ చేసిన తర్వాత.. వారు ఆశించిన క్షణం రానే వచ్చింది. స్టైల్ గా స్టైలిష్ స్టార్ కారులోంచి దిగాడు. అభిమానులకు పలకరిస్తూ చేయి ఊపాడు. సహజంగా అయితే ఇక్కడితో కథ అయిపోతుంది. కానీ బన్నీ విషయంలో మాత్రం ఇక్కడే స్టార్ట్ అయింది.

వారందరినీ లోపలికి ఆహ్వానించడమే కాకుండా.. ఫ్యాన్స్ అందరికీ డిన్నర్ కూడా అరేంజ్ చేయించడం విశేషం. బన్నీ చూపిన ప్రేమ చూసి ఫ్యాన్స్ అందరూ చలించిపోయారు. గతంలో తన పెళ్లి జరిగినపుడు కూడా అభిమానులకు స్పెషల్ గా డిన్నర్ గా ఏర్పాటు చేశాడు బన్నీ. ఇప్పుడు ఇలా తన వ్యాపారాన్ని స్టార్ట్ చేసి.. ఫ్యాన్స్ ను మరోసారి ఆకట్టుకున్నాడు అల్లు అర్జున్.