అల్లూరి ఈవెంట్ లో అల్లు అర్జున్ స్పీచ్ కి ఫ్యాన్స్ ఫిదా..!

ఐకాన్ స్టార్ అల్లు అర్జున్ ఫాలోయింగ్ గురించి ప్రత్యేకంగా చెప్పనవసరం లేదు. కేవలం సౌత్ లోనే కాకుండా నార్త్ లోనూ బన్నీ కి విపరీతమైన క్రేజ్ ఉంది. అయితే అభిమానులు ఎంతగా ఆరాదిస్తారో అగ్ర నటుడు కూడా వారిపై అంతే ప్రేమాభిమానాలు కురిపిస్తూ ఉంటారు.

చిన్న సినిమాలకు తనవంతు సపోర్ట్ ఇచ్చే అల్లు అర్జున్.. ఇప్పుడు 'అల్లూరి' మూవీ ప్రమోషన్స్ లో భాగం అయ్యారు. శ్రీవిష్ణు హీరోగా నటించిన ఈ సినిమా ప్రీ రిలీజ్ ఈవెంట్ ను ఆదివారం హైదరాబాద్ లో గ్రాండ్ గా నిర్వహించగా.. దీనికి బన్నీ చీఫ్ గెస్టుగా హాజరయ్యారు. ఈ సినిమా మంచి విజయం సాధించాలని చిత్ర బృందానికి శుభాకాంక్షలు తెలిపారు.

'అల్లూరి' ఈవెంట్ కు తమ ఫేవరేట్ హీరో అల్లు అర్జున్ వస్తున్నాడని తెలిసి, అభిమానులు పెద్ద ఎత్తున ఈ వేడుకలో పాల్గొన్నారు. ఈ నేపథ్యంలో ఫ్యాన్స్ ని ఉద్దేశిస్తూ బన్నీ మాట్లాడిన మాటలు ఇప్పుడు సోషల్ మీడియాలో వైరల్ అవుతున్నాయి.

బన్నీ మాట్లాడుతూ.. "ఎన్నిసార్లు చూసినా ఈ ఉత్సాహం మాత్రం తగ్గేదేలే. ఈ ఫంక్షన్ కు మీరంతా వచ్చి ఉత్సాహాన్ని ఇచ్చి పాజిటివ్ ఎనర్జీ ఇచ్చిన ప్రతి ఒక్కరికీ కృతజ్ఞతలు. ఎవరికైనా ఫ్యాన్స్ ఉంటారు.. నాకు మాత్రం ఆర్మీ ఉంది అని నేను ఎప్పుడూ సరదాగా అంటుంటాను. నన్ను ప్రాణం కంటే ఎక్కువగా ప్రేమించే నా ఆర్మీ.. ఐ లవ్‌ యూ. థాంక్యూ సో మచ్" అని అన్నారు.

తమ అభిమాన హీరో నోటి నుంచి అలాంటి మాటలు రావడంతో.. అల్లు ఫ్యాన్స్ అంతా చప్పట్లు అరుపులతో హోరెత్తేలే చేశారు. అల్లు అర్జున్ స్పీచ్ ని నెట్టింట షేర్ చేస్తూ సందడి చేస్తున్నారు. తమ పట్ల ఎంత ఇష్టం గౌరవం ఉన్నాయో బన్నీ మరోసారి తెలియజేశారు అంటూ ఫ్యాన్స్ ఖుషీ అవుతున్నారు.

ఇక సినిమాల విషయానికొస్తే.. 'పుష్ప' తో జాతీయ స్థాయిలో అల్లు అర్జున్ సృష్టించిన అలజడిని అంత ఈజీగా ఎవరూ మరిచిపోలేరు. పుష్పరాజ్ గా అతని పెర్ఫార్మన్స్ కు అన్ని వర్గాల ప్రేక్షకులు ఫిదా అయ్యారు. 'తగ్గేదే లే' 'పుష్ప అంటే ఫ్లవర్ అనుకుంటివా.. ఫైరూ' అని చెప్పిన డైలాగ్స్ వారిని విపరీతంగా ఆకట్టుకున్నాయి.

అందుకే ఎలాంటి అంచనాలు లేకుండా వచ్చిన ఈ చిత్రాన్ని నార్త్ లో బ్లాక్ బస్టర్ హిట్ చేశారు. దీంతో బన్నీ సరికొత్త పాన్ ఇండియా స్టార్ గా అవతరించారు. ప్రస్తుతం అల్లు అర్జున్ 'పుష్ప: ది రూల్' సినిమా షూటింగ్ ప్రారంభించడానికి సన్నద్ధం అవుతున్నాడు. దీని కోసం మేకోవర్ అవుతున్నాడు.

'పుష్ప 2' చిత్రానికి సుకుమార్ దర్శకత్వం వహించనున్నారు. మొదటి భాగానికి మించి ఉండేలా ఈ మూవీని తెరకెక్కించడానికి సన్నాహాలు చేస్తున్నారు. ఇందులో బన్నీ సరసన రష్మిక మందన్నా హీరోయిన్ గా కనిపించనుంది. మైత్రీ మూవీ మేకర్స్ నిర్మిస్తున్న ఈ పాన్ ఇండియా ప్రాజెక్ట్ ని మరికొన్ని రోజుల్లో సెట్స్ మీదకు తీసుకెళ్లనున్నాను. దేవిశ్రీప్రసాద్ ఈ సినిమాకి సంగీతం సమకూరుస్తున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.