కండల వీరుడికి బన్నీ థాంక్స్

వరుసపెట్టి కలుముకున్న మబ్బుల చీకట్లనుండి నెమ్మదిగా బయటపడుతున్న చెన్నైకి మన సినీ పరిశ్రమ చేయగలిగినంత సాయం చేస్తూనే వుంది. తమిళ హీరోలు దగ్గరుండి సహాయక చర్యలలో పాల్గుంటుండగా తెలుగు హీరోలు వారికి అవసరమైన నిత్యావసరాలను ఇక్కడనుండి తరలిస్తున్నారు.

కష్టాలు కమ్ముకుంటే సౌత్, నార్త్ అంటూ తేడా లేదని బాలీవుడ్ హీరోలు సైతం విశాల హృదయంతో విరాళాలు అందిస్తున్నారు. ఇప్పటికే షారుఖ్ భారీ అమౌంట్ ని విరాళంగా ప్రకటించిన సంగతి తెలిసినదే. ఇప్పుడు మరో బాలీవుడ్ హీరో కండల వీరుడు హృతిక్ రోషన్ చెన్నై బాధితుల సహాయార్ధం పాతిక లక్షలు విరాళం ప్రకటించాడు.

హృతిక్ విశాల హృదయానికి తమిళ స్టార్స్, తెలుగు సెలబ్రిటీలు ట్వీట్ల రూపంలో ప్రశంసల వర్షం కురిపించారు. ముఖ్యంగా అల్లు అర్జున్ మరీ మరీ పొగడడం గమనార్హం. ప్రాంతం ఏదైనా పరిస్థితుల నేపధ్యదృష్ట్యా మన హీరోలు తీసుకుంటున్న నిర్ణయాలు నిజంగా అభినందనీయం కదండీ..