అరవింద రిజల్ట్..బన్నీ క్యూరియాసిటీ!

స్టైలిష్ స్టార్ అల్లు అర్జున్ 'నాపేరు సూర్య' తర్వాత చేయనున్న సినిమాను ఇంకా అధికారికంగా ప్రకటించలేదు. విక్రమ్ కుమార్ చాలా రోజుల నుండి బన్నీ కోసం ఒక స్క్రిప్ట్ ను రెడీ చేస్తున్నాడు. ఆ స్క్రిప్ట్ లో కాస్త ఎంటర్ టైన్ మెంట్ ఎలిమెంట్ తగ్గిందని.. దాంతో విక్రమ్ స్క్రిప్ట్ కు సాలిడ్ ఎంటర్ టైన్ మెంట్ ను జోడించేందుకు వక్కంతం వంశీని విక్రమ్ కు సహాయంగా రంగంలోకి దింపారని కూడా ఈమధ్య వార్తలు వచ్చాయి. ఇదిలా ఉంటే బన్నీ 'అరవింద సమేత' సినిమా రిజల్ట్ కోసం చాలా ఆసక్తిగా ఎదురు చూస్తున్నాడట.

ఎందుకు అని మీకు అనుమానం రాలేదా? 'అరవింద సమేత' కు త్రివిక్రమ్ శ్రీనివాస్ దర్శకుడన్న సంగతి తెలిసిందే. ఈ సినిమా కనుక హిట్ అయిన పక్షంలో బన్నీ తన నెక్స్ట్ సినిమాను త్రివిక్రమ్ తో చేసే ఆలోచనలో ఉన్నాడట. బన్నీ త్రివిక్రమ్ ను ఒక బెటర్ ఆప్షన్ గా భావిస్తున్నాడట. కానీ 'అజ్ఞాతవాసి' దెబ్బతో కాస్త వెయిట్ అండ్ వాచ్ పాలసీ ఫాలో అవుతున్నాడట. 'అరవింద సమేత' కు వచ్చే రెస్పాన్స్ బట్టి బన్నీ నెక్స్ట్ మూవ్ ఉంటుందని టాక్.

అల్లు అర్జున్ - త్రివిక్రమ్ కాంబినేషన్ లో 'జులాయి'.. 'S/o సత్యమూర్తి' సినిమాలు వచ్చిన సంగతి తెలిసిందే. ఇక వారి కాంబినేషన్ లో మూడో సినిమా అంటే హట్రిక్ కాంబో అవుతుంది. ట్రేడ్ లో కూడా మంచి ఆసక్తి ఉంటుంది. కానీ ఇదంతా వీరరాఘవుడు బాక్స్ ఆఫీస్ దగ్గర తన సత్తా చాటితేనే సుమా!