తీరిక చిక్కితే కూతురితోనే బ‌న్ని ఫ‌న్ గేమ్స్

ప్ర‌స్తుతం స్టైలిష్ స్టార్ అల్లు అర్జున్ త‌న గారాల ప‌ట్టి అర్హ‌కే టైమ్ అంతా కేటాయిస్తున్నారు. ఇంట్లో చిన్నారి అర్హ‌తో క‌లిసి రోజూ ఆట‌లాడుతూ జీవితాన్ని ఆస్వాధిస్తున్నారు. బాల్యంలో స‌ర‌దా ఫ‌న్ సంద‌ర్భాల‌ను ప్ర‌తీ క్ష‌ణాన్ని కుమార్తెకు అందిస్తున్నారు. బాల్యం ఎంత గొప్ప‌దో కుమార్తెకు చెప్పే ప్ర‌య‌త్నం చేస్తున్నారు. నిన్న‌నే అర్హ‌తో ఇంట్లో బ‌బుల్ గేమ్ ఆడుతూ క‌నిపించారు. తాజాగా అర్హ‌ని ప్రేమ‌తో ఎత్తుకుని ఆడిస్తున్న పిక్ ఒక‌టి బ‌య‌ట‌కొచ్చింది. ఇందులో తండ్రీ-కూతుళ్లిద్ద‌రూ స‌ర‌దా ఆట‌ల‌తో ఊపిరాడ‌నంత‌గా న‌వ్వేస్తూ క‌నిపించారు. అర్హ న‌వ్వు చూసి.. ఫిదా అయిపోయిన బ‌న్ని మ‌రింత‌గా ఆట‌ప‌ట్టిస్తున్నారు.

ప్ర‌స్తుతం ఈ ఫోటో సోష‌ల్ మీడియాలో వైర‌ల్ గా మారింది. బ‌న్నీ అభిమానులంతా తండ్రీ-కూతుళ్ల‌ను అలా చూసి మురిసిపోతున్నారు. అల్లు కుటుంబంపై ఫ‌న్నీ కామెంట్ల‌తో మ‌రింత జోష్ ని పెంచుతున్నారు. నిన్న మొన్న‌టి వ‌ర‌కూ ఇద్ద‌రు సినిమా షూటింగ్ ల‌తో బిజీగా ఉన్న సంగ‌తి తెలిసిందే. అర్హ `శాకుంతలం` సినిమాతో బాల న‌టిగా ప‌రిచ‌యమ‌వుతోంది. ఇందులో సామ్ కి చిన్న‌నాటి పాత్ర‌లో అర్హ క‌నిపిస్తుంది. ఆ పాత్ర‌కు చాలాప్రాముఖ్య‌త ఉంటుంద‌ని తెలుస్తోంది. దీంతో బ‌న్నీ కుమార్తెకు విలాస‌వంత‌మైన త‌న ఫాల్కాన్ ఆన్ సెట్స్ కి పంపించి ఎలాంటి ఇబ్బంది క‌ల‌కుండా అన్ని ఏర్పాట్లు బ‌న్నీనే వ్య‌క్తిగ‌తంగా చూసుకున్నారు. ఆ స‌మ‌యంలో బ‌న్నీ `పుష్ప` షూటింగ్ కోసం ఓ స్టాండ‌ర్డ్ కార్వాన్ ని వినియోగించారు. అయితే శాకుతలం షూటింగ్ అర్హ పూర్తిచేసింది కాబ‌ట్టి ఫాల్క‌న్ మ‌ళ్లీ బన్నీ వెంట ఉంటుంద‌ని తెలుస్తోంది.

ప్ర‌స్తుతం పుష్ఫ రెండ‌వ భాగం షూటింగ్ జ‌రుగుతోంది. మొద‌టి భాగం ఇప్ప‌టికే షూట్ పూర్త‌యింది. దానికి సంబంధించిన పోస్ట్ ప్రొడ‌క్ష‌న్ ప‌నులు కూడా జ‌రుగుతున్నాయి. వ‌చ్చే ఏడాది మొద‌టి భాగం ప్రేక్ష‌కుల ముందుకు రానుంది. ఇటీవ‌ల షూటింగ్ ముగించుకుని ఇంటికి చేరుకున్న అర్హ‌తోనే తీరిక స‌మ‌యాల్లోఆట‌లాడుకుంటూ బ‌న్ని రిలాక్స‌వుతున్నారు.