అదే రెడ్ స్కూటీ.. బ‌న్ని ఫ్యామిలీలో మార్పు చూశారా?

అల్లు స్నేహారెడ్డి అండ్ ఫ్యామిలీ అలా స్కూటీపై షికార్ కి బ‌య‌ల్దేరారు. ఒకే స్కూటీపై స్నేహ‌తో పాటు అల్లు అయాన్.. అల్లు అర్హ‌.. ఆ వెన‌క‌నే బ‌న్ని కూడా ఉన్నాడు. ఇంత‌కీ ఈ స్కూటీ ఎందాకా వెళుతుంది? అంటే.. ఇది అన్ లిమిటెడ్ జ‌ర్నీ అని చెప్ప‌క‌నే చెబుతోంది ఈ ఫోటో.

నాలుగు ఫోటోల్ని ఒకేచోట చేర్చి అభిమానుల కోసం స్నేహారెడ్డి స్వ‌యంగా ఇన్ స్టా వేదిక‌గా ఈ ఫోటోని షేర్ చేశారు. 2017 నుంచి ఇలా స్కూటీ పెప్ పై ప్ర‌యాణం సాగుతూనే ఉంది. ఈ ఏడాది కూడా ఆ ప‌య‌నం సాగింది. అందుకే నాలుగేళ్ల నుంచి ఉన్న త్రోబ్యాక్ ఫోటోల‌ను ఒకేచోట చేర్చి ఇలా అభిమానుల‌కు షేర్ చేశార‌న్న‌మాట‌. ఫ్యామిలీ రైడ్ ఇది..అదే రెడ్ క‌ల‌ర్ స్కూటీ.. ఎంతో ముచ్చ‌టైన ఫ్యామిలీ ట్రిప్.

టాలీవుడ్ స్టైలిష్ స్టార్ అల్లు అర్జున్ తన కుటుంబంతో గడపడానికి ఎక్కువ ఇష్టపడతారు. ఫ్యామిలీ విహారయాత్రకు వెళ్ళినప్పుడల్లా తన సంతోషకరమైన క్షణాలకు సంబంధించిన‌ ఛాయాచిత్రాలను సోషల్ మీడియా ద్వారా పంచుకుంటారు. తన వివాహ జీవితంలో వివిధ దశల్లో బన్నీ కుటుంబం ఫోటోల కోల్లెజ్ సోషల్ మీడియాలో వైర‌ల్ అవుతూనే ఉన్నాయి.

స్నేహ‌ స్కూటర్ నడుపుతుంటే అల్లు అర్జున్ స్కూటర్ వెనుకభాగాన్ని పట్టుకొని గాలిలో ఎగురుతూ జోష్ తో క‌నిపిస్తారు. ఈ నాలుగు ఫోటోల్ని ప‌రిశీలిస్తే... చాలా ఆస‌క్తిక‌ర విష‌యం బ‌య‌ట‌ప‌డుతోంది. మొద‌టి ఫోటో పెళ్ల‌య్యాక .. ఆ త‌ర్వాత అల్లు అయాన్ పుట్టాక‌.. ముగ్గురు ఒకే స్కూటీపై.. అ నెక్ట్స్ అల్లు అర్హ పుట్టాక‌.. న‌లుగురు ఒకే స్కూటీపై. ఇప్పుడు ఆ ఇద్ద‌రు కిడ్స్ ఎదిగేస్తున్నారు.. ఈ ద‌శ‌లోనే ఒక ఫ్యామిలీ ఫోటోగ్రాఫ్ స్కూటీపైనే.. అదీ సంగ‌తి. ఎప్పుడూ అల్లు కుటుంబానికి స్నేహా డ్రైవ‌ర్ అయితే .. బ‌న్ని ఎప్పుడూ అలానే చిలౌట్ మూడ్ లో అనుస‌రిస్తుంటార‌న్న‌మాట‌. ఈ అందమైన ఫోటోల‌ కొల్లెజ్ నెటిజనుల‌ నుండి ప్రశంసలు పొందుతోంది.