స్టైలిష్ స్టార్ డబుల్ గేమ్ స్టార్ట్

స్టైలిష్ స్టార్ అల్లు అర్జున్ నా పేరు సూర్య తర్వాత ఏకంగా ఏడాది పైగా గ్యాప్ తీసుకోవడం అభిమానుల్లో అసంతృప్తి కలిగించినా ఒకేసారి ఏకంగా మూడు ప్రాజెక్ట్స్ అనౌన్స్ చేయడంతో ఫుల్ హ్యాపీ అయ్యారు. ప్రస్తుతం త్రివిక్రమ్ శ్రీనివాస్ దర్శకత్వంలో చేస్తున్న మూవీ రెండో షెడ్యూల్ లో ఎంటర్ అయిన బన్నీ వచ్చే నెల నుంచి వేణు శ్రీరామ్ డైరెక్షన్ లో దిల్ రాజు తీయబోయే ఐకాన్ షూటింగ్ లో పాల్గొనబోతున్నట్టు ఫ్రెష్ అప్ డేట్.

అంటే పారలల్ గా రెండు ఒకేసారి జరిగేలా క్లాష్ లేకుండా డేట్స్ ని అడ్జస్ట్ చేసి రెస్ట్ లేకుండా బన్నీ చేస్తాడట. రిలీజ్ క్రమంలో త్రివిక్రమ్ దే ముందు వస్తుంది. సైరా అక్టోబర్ ఫిక్స్ చేసుకోవడంతో దీన్ని 2020 సంక్రాంతి రేస్ లో పెట్టె అవకాశాలు ఎక్కువగా ఉన్నాయి. ఐకాన్ మొదలుపెట్టినా దాన్ని నెక్స్ట్ ఇయర్ సమ్మర్ కు ఫిక్స్ చేస్తారు. అంటే ఆరు నెలల గ్యాప్ లో రెండు సినిమాలు వచ్చేలా అల్లు అర్జున్ మంచి స్కెచ్ తో ఉన్నాడన్న మాట.

ఆలోగా సుకుమార్ ఫుల్ స్క్రిప్ట్ తో రెడీగా ఉంటాడు కాబట్టి వెంటనే అందులో జాయిన్ అయిపోవచ్చు. దాన్ని 2021 సంక్రాంతికి ప్లాన్ చేసుకోవచ్చు. సో గ్యాప్ తక్కువగా ఉంటుంది కాబట్టి అభిమానులను సంతృప్తి పరచడంతో పాటు మార్కెట్ లో తన రేంజ్ ని పెంచుకునే అవకాశం కూడా ఉంటుంది. ఏడాదికి ఒక్కటి రిలీజ్ చేయడమే స్టార్ హీరోలకు కష్టంగా మారుతున్న తరుణంలో బన్నీ సంవత్సరం ఖాళీని మరిపించేలా వరస సినిమాలతో పలకరించడం కన్నా ఫ్యాన్స్ కు కావాల్సింది ఏముంటుంది